Były abaronca BATE, a ciapier tureckaha «Hienčlerbirlihi», hulec nacyjanalnaj zbornaj Arciom Radźkoŭ, jaki ŭ svoj čas vučyŭ Renana Bresana biełaruskaj movie, daŭ vialikaje intervju By.tribuna.com
«Hanarusia Biełaruśsiu, kali čuju biełaruskuju movu, — kaža Arciom. — Kali čuju niešta pa televizary, radyjo pa-biełarusku, razumieju — my majem toje, što adroźnivaje nas ad inšych ludziej.
Mnie pryjemna, kali čuju, jak niechta na vulicy razmaŭlaje pa-biełarusku. Choć sam jašče nie hatovy pierajści na rodnuju movu ŭ paŭsiadzionnym žyćci. Pa-dobramu zajzdrošču takim ludziam, ich śmiełaści.
U nas ža ŭ krainie adnosiny da biełaruskamoŭnych ludziej nie lepšyja. Šmat chto kaža: «Voś dzivaki». Heta niapravilna. Treba hanarycca svajoj krainaj. Pakrychu. Kožny dzień. Moža, tady ŭsim stanie dobra…
— Na čyim vy baku ŭ pytańni dziaržaŭnaj simvoliki?
— Nie lublu, kali idzie śpiekulacyja z hetaj nahody. Ja nie vielmi dobra viedaju historyju, kab adnaznačna kazać, jaki ściah bolš pravilny. Nie chaču kab dziaržaŭny ściah staŭ padstavaj dla padziełu ludziej.
Adny skažuć — my za bieł-čyrvona-bieły, a druhija buduć za — čyrvona-zialony. Heta niapravilna. Čamu nie dazvolić dva ściahi? Nielha zabaraniać adzin ź ich.
Źmianić dziaržaŭny ściah — što ad hetaha źmienicca? Kraina stanie inšy? Ludzi stanuć dabrejšymi?
Zhodny, treba viedać historyju. Mnie, moža być, bolš za inšych. Napeŭna, pryjšoŭ čas, kali mnie stała cikava — što my za narod. Napeŭna, pajeździŭ pa krainach, pahladzieŭ… Naprykład, u Turcyi dzieci ŭ škole dva razy na dzień śpiavajuć dziaržaŭny himn. U nas takoha niama. Paśla hetaha pačynaješ zadumvacca, niešta analizavać.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary