Da kanca tydnia ŭ Biełarusi istotna pachaładaje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 9 červienia na videabryfinhu.
«Bolšuju častku tydnia zachavajecca ŭmierana-ciopłaje nadvorje. Umovy nadvorja buduć vyznačać vilhotnyja pavietranyja masy z Bałtyki», — adznačyŭ sinoptyk. Ciaham troch dzion budzie ad 20 hradusaŭ pa paŭnočnym uschodzie da plus 27°S pa paŭdniovym zachadzie.
«Ale ź piatnicy pačniecca pastupovaje pachaładańnie. Vajaž chałodnaha atmaśfiernaha frontu zavieršycca abvałam choładu z basiejna Ledavitaha akijana. Paryvisty paŭnočny viecier, nahniatajučy arktyčnaje pavietra, panizić tempieraturu», - skazaŭ Rabaŭ.
U piatnicu na bolšaj častcy terytoryi karotkačasovyja daždžy, miescami navalnicy. Tempieratura nočču plus 8-14°S, pa paŭdniovym uschodzie da plus 16°S, dniom ad plus 15°S pa paŭnočnym zachadzie da plus 23°S pa paŭdniovym uschodzie.
Pa słovach sinoptyka, pik choładu budzie na vychodnyja dni, ŭstalujecca chałodnaje, vietranaje, dyskamfortnaje z daždžami nadvorje.
U subotu na bolšaj častcy terytoryi karotkačasovyja daždžy, u asobnych rajonach mocnyja daždžy, dniom mahčymy navalnicy. Miescami ŭzmacnieńnie vietru paryvami da 15-20 m/s. Tempieratura nočču plus 4—11°S; dniom plus 10—17°S, u asobnych rajonach plus 18—21°S.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary