Sioleta abmienny kurs biełaruskaha rubla ŭ dačynieńni da dołara źnizicca na 12-13%. Taki prahnoz, pavodle źviestak BiełaPAN, Nacbank zaćvierdziŭ u červieni ŭ miežach rašeńnia pa realizacyi hrašova-kredytnaj palityki da kanca hoda.
Varta zaznačyć, što z pačatku 2014 hoda kurs biełaruskaha rubla da dołara źniziŭsia na 6,73%, u dačynieńni da jeŭra — na 5,28%, da rasijskaha rubla — na 1,73%. Aficyjny kurs dołara 16 červienia ŭstanoŭleny na ŭzroŭni 10.150 rubloŭ.
Nahadajem, viasnoj hetaha hoda kiraŭnictva Nacbanka zajaŭlała ab płanach pa płaŭnym źnižeńni koštu nacyjanalnaj valuty. Na dumku biełaruskich ekanamistaŭ, mahčymaści hrašovych uład pravodzić takuju kursavuju palityku naŭprost zaležać ad krynic atrymańnia źniešniaha finansavańnia.
Z ulikam pryciahnieńnia Biełaruśsiu novych zapazyčańniaŭ u Rasii aficyjnyja płany pa tempach asłableńnia biełaruskaha rubla mohuć być dasiahalnyja, miarkujuć ekśpierty.
«Dasiahnieńnie hetaj zadačy całkam realnaje, razam z tym metazhodnaść hetaj zadačy vielmi sumnieŭnaje. Pry takoj kursavoj palitycy my naroščvajem razryŭ pamiž faktyčnym uzroŭniem abmiennaha kursu i tym uzroŭniem kursu, jaki moh by zbałansavać najaŭny rachunak płaciežnaha bałansu», — miarkuje ekanamist Biełaruskaha ekanamičnaha daśledča-adukacyjnaha centra (BEROC) Dźmitryj Kruk.
Ekśpiert nahadaŭ, što ŭ 2013 hodzie deficyt najaŭnaha rachunku płaciežnaha bałansu Biełarusi skłaŭ 10,2% VUP i sioleta moža skłaścisia na supastaŭnym uzroŭni.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary