Horłaŭski haradski kiraŭnik Jaŭhien Klep, jaki znachodzicca ŭ pałonie ŭ bajevikoŭ DNR, vydaŭ rasparadžeńnie da kanca pracoŭnaha dnia na budynkach usich pradpryjemstvaŭ i ŭstanoŭ horada vyviesić rasijskija ściahi, — paviedamlaje Gorlovka.ua.
«Raźmiaścić rasijskija ściahi na ŭsich ustanovach (biez nadpisaŭ «Rasija — maci. Pucin — baćka»). Raniejšaje rasparadžeńnie admianiajecca», — paznačana ŭ rasparadžeńni.
11 červienia ŭzbrojenyja ludzi ŭvarvalisia na naradu Horłaŭskaha haradskoha kiraŭnika Jaŭhiena Klepa i pavieźli mera ŭ nieviadomym kirunku. U hety ž dzień jaho namieśniku Alaksandru Alipavu pieradali piśmovaje rasparadžeńnie mera ab pierachodzie Horłaŭki na ruskuju movu. Taksama ŭ internecie źjaviłasia fatahrafija, na jakoj zafiksavana fotakopija rasparadžeńnia Klepa. U im havaryłasia taksama pra toje, što ŭ horadzie pavinny być raźmieščanyja ściahi Rasii z nadpisam: «Rasieja — maci, Pucin — baćka».
Kamientary