U Minsku 5 i 6 červienia buduć dziejničać časovyja abmiežavańni ruchu ŭ suviazi z praviadzieńniem masavych mierapryjemstvaŭ, paviedamili ŭ HUUS Minharvykankama.
Uviečary 5 červienia, pačynajučy z 19:00, mahčymyja abmiežavańni na vulicy Lenina ad vulicy Internacyjanalnaj da vulicy Niamiha, a taksama na praśpiekcie Pieramožcaŭ ad Niamihi da vulicy Mielnikajcie. Heta źviazana z praviadzieńniem fiestyvalu «Nastroj — leta». Trapić na mierapryjemstva možna budzie tolki praz kantrolna-prapusknyja punkty z asabistym ahladam.
6 červienia ŭ stalicy adbudziecca viełakarnavał «Viva, Rovar — 2026». Jaho maršrut projdzie ad Pałaca sportu da «Minsk-Areny» i nazad.
U hety dzień ruch transpartu budzie abmiežavany:
- na praśpiekcie Pieramožcaŭ ad vulicy Lenina da vulicy Mielnikajcie — z 10:30 da 12:30;
- na ŭčastku ad vulicy Mielnikajcie da vulicy Naračanskaj — prykładna z 10:50 da 12:10.
Taksama paśla 16:30 mahčymyja karotkačasovyja abmiežavańni na vulicy Lenina i praśpiekcie Pieramožcaŭ.
U suviazi ź mierapryjemstvami budzie skarektavanaja praca hramadskaha transpartu.
Pradmiety, zabaronienyja da pranosu na terytoryju mierapryjemstvaŭ, možna budzie pakinuć u kamierach zachoŭvańnia na praśpiekcie Pieramožcaŭ, 2 i 4.
Milicyja budzie pracavać va ŭzmocnienym režymie dla harantavańnia biaśpieki ŭdzielnikaŭ i haściej mierapryjemstvaŭ.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary