DTZ adbyłosia siońnia, 27 červienia, kala 9.30 na vulicy Čyrvonaja.
La kraja prajeznaj častki farmavałasia kałona aŭtobusaŭ, jakija pavinny byli advieźci dziaciej na adpačynak u letniki. U hety čas z boku praśpiekta Mašerava ŭ napramku vulicy Kisialova ruchaŭsia aŭtamabil «Deu», jaki pryciahnuŭ uvahu inśpiektaraŭ.
«Kiroŭcu byŭ padadzieny sihnał ab spynieńni. Ale spyniŭsia aŭtamabil tolki paśla taho, jak vadziciel, jaki nie daŭ rady kiravańniu, ździejśniŭ najezd na pryparkavany aŭtobus», — raspaviali ŭ adździele DAI.
U DTZ nichto nie paciarpieŭ.
Tolki transpartnyja srodki atrymali miechaničnyja paškodžańni. Za rulom lehkavika byŭ 64-hadovy mužčyna. Zatrymać jaho ŭdałosia z dapamohaj vypadkovych vidavočcaŭ, jakija dapamahli supracoŭniku DAI, zabrali klučy ad aŭtamabila i dapamahli pasadzić kiroŭcu ŭ patrulny aŭtamabil. Paźniej miedycynski ahlad vyjaviŭ u kiroŭcy 1,86 pramile ałkaholu.
Ciapier pravodzicca pravierka. Dziaržaŭtainśpiekcyja źviartajecca da hramadzian z prośbaj paviedamlać ab niećviarozych vadzicielach pa numary 102. Ad takoha telefanavańnia naŭprost zaležyć darožnaja biaśpieka, a, mahčyma, i niečaje žyćcio.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary