Rasijski pravasłaŭny śviatar Alaksandr Šumski ličyć, što Čempijanat śvietu ŭ Brazilii adlustroŭvaje žudasny maralny stan čałaviectva. Taksama jon adznačyŭ, što rady tamu, što zbornaja Rasii pakinuła turnir.
Słužyciel carkvy upeŭnieny, što futbalisty nie pavinny hulać u ružovych, błakitnych, žoŭtych i zialonych bucach. Pavodle jaho mierkavańnia,
u sapraŭdnych mužčyn koler abutku pavinien być tolki čornym.
«Nadzieć mužčynu ružovyja ci błakitnyja bucy — heta ŭsio roŭna što nadzieć žanočyja majtki abo biusthaltar», — zajaviŭ Šumski. Taksama śviatar raskrytykavaŭ «niejmaviernyja» pryčoski niekatorych hulcoŭ.
«Libierastyčnyja ideołahi hłabalizmu vidavočna chočuć supraćpastavić futboł chryścijanstvu.
Ja ŭ hetym upeŭnieny. Tamu i radujusia, što rasijskija futbalisty pravalilisia i, z łaski Božaj,
nie ŭdzielničajuć bolš u hetym homaseksualnym hańbiščy, dy da taho ž jašče i ŭ post», — napisaŭ śviatar u svajoj kałoncy na sajcie «Ruskaja narodnaja linija».
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie9
Kamientary