Biełarusy nie niasuć da pasolstva Rasii ŭ Minsku kvietki i śviečki
Da pasolstva Rasii ŭ Minsku nichto nie prynosić kvietki i śviečki ŭ suviazi z trahiedyjaj u maskoŭskim mietro. Ab hetym paviedamiŭ savietnik pasolstva Uładzimir Marčukoŭ.
«Nie, ničoha niama kala pasolstva», — skazaŭ jon.
Varta adznačyć, što da rasijskaha pasolstva ŭ Kijevie, niahledziačy na napružanyja adnosiny pamiž Rasijaj i Ukrainaj, kijaŭlanie jašče ź viečara 15 lipienia prynosiać kvietki i śviečki.
Na prośbu vykazać mierkavańnie, čamu ŭkraincy niasuć kvietki da pasolstva, a hramadzianie Biełarusi, jakaja źjaŭlajecca najbližejšym sajuźnikam Rasii, nijak nie adreahavali na trahiedyju, Marčukoŭ skazaŭ: «Nie viedaju, ničoha nie mahu skazać nakont hetaha. Zvyčajna biełarusy zaŭsiody samyja pieršyja adhukajucca na padobnyja trahičnyja padziei».
Jon taksama paviedamiŭ, što pasolstva nie budzie adkryvać knihu spačuvańniaŭ. «Žałoba abjaŭlenaja ŭ adnym z subjektaŭ Rasijskaj Fiederacyi. U hetych vypadkach kniha nie adkryvajecca», — skazaŭ savietnik pasolstva. Jon nie vyklučyŭ, što paźniej kniha spačuvańniaŭ moža być adkrytaja ŭ Domie Maskvy ŭ Minsku.
Pavodle apošnich źviestak, kolkaść zahinułych u vyniku sychodu troch vahonaŭ z rejek u maskoŭskim mietro, najbujniejšaj pa kolkaści achviar za ŭsiu historyju isnavańnia maskoŭskaj padziemki avaryi, uzrasła da 22 čałaviek. Ahulnaja kolkaści zahinułych i traŭmavanych składaje 162 čałavieki. 16 lipienia ŭ Maskvie abjaŭlena dniom žałoby.
Pavodle źviestak pres-sakratara pasolstva Biełarusi ŭ Rasii Alaksandra Hardziejčyka, siarod zahinułych u avaryi ŭ maskoŭskim mietro hramadzian Biełarusi niama. «Supracoŭniki konsulstva znachodziacca na pastajannaj suviazi z MNS i miedykami. Niekatoryja z paciarpiełych, dastaŭlenych u balnicy, znachodziacca ŭ stanie nieprytomnaści, identyfikavać ich ciapier składana», — skazaŭ pres-sakratar.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary