Ciapier tavaraŭ z-za miažy možna biaspošlinna zamović na 200 jeŭra

Da 200 jeŭra ź dziejnych dahetul 120 jeŭra pavialičana norma biaspošlinnaha ŭvozu tavaraŭ dla asabistaha karystańnia ŭ mižnarodnych paštovych adpraŭleńniach i ŭ adpraŭkach ekspres-dastaŭki, ahulnaja vaha jakich nie pieravyšaje 31 kh.

Heta praduhledžana ŭkazam № 360 «Ab pieramiaščeńni praz mytnuju miažu Mytnaha sajuza ŭ Respublicy Biełaruś tavaraŭ dla asabistaha karystańnia», jaki Alaksandr Łukašenka padpisaŭ 21 lipienia, paviedamlaje pres-słužba prezidenta. 

Dziaržaŭnamu mytnamu kamitetu dadziena prava sumiesna ź Dziaržpahrankamitetam i Minsielhascharčam vyznačać pieralik i kolkaść tavaraŭ, jakija mohuć być adniesieny da tavaraŭ dla asabistaha karystańnia pry pieramiaščeńnia praz punkty sproščanaha propusku, a taksama vyznačać asablivaści pieramiaščeńnia takich tavaraŭ. 

Na słužby avijacyjnaj biaśpieki ŭskładzieny abaviazak pa infarmavańni słužbovych asob mytnych orhanaŭ ab vyvazie fizičnymi asobami zabaronienych i (abo) abmiežavanych da pieramiaščeńnia tavaraŭ, vyjaŭlenych pry ažyćciaŭleńni takoj słužbaj kantrolu asob, jakija vyjazdžajuć za miežy Respubliki Biełaruś pavietranym transpartam. 

Pieravozčykam, jakija ažyćciaŭlajuć ekspres-dastaŭku adpraŭleńniaŭ u adras fizičnych asob, dadziena prava ažyćciaŭlać ad imia takich fizičnych asob biez dadatkovych dahavornych adnosinaŭ mytnyja apieracyi ŭ dačynieńni da tavaraŭ, što ŭtrymlivajucca ŭ adpraŭleńniach, kali taki pieravozčyk adnačasova ź`iaŭlajecca mytnym pradstaŭnikom. 

DMK taksama dadziena prava vyznačać paradak vydačy dazvołu na pieradaču časova ŭviezienych transpartnych srodkaŭ inšym asobam, čym tyja, jakija ŭvieźli takija transpartnyja srodki. 

Aprača taho, urehulavany pytańni pradastaŭleńnia zabieśpiačeńnia vypłaty mytnych pošlin, padatkaŭ u dačynieńni da tavaraŭ dla asabistaha karystańnia, jakija ŭvoziacca, u častcy ŭstanaŭleńnia vypadkaŭ viartańnia ŭniesienaha zabieśpiačeńnia vypłaty mytnych pošlin, padatkaŭ, a taksama vyznačeńnia mahčymaści viartańnia hrašovych srodkaŭ nie tolki praz kasu mytnaha orhana najaŭnymi hrašovymi srodkami, ale i praz strukturnyja padraździaleńni banka, u tym liku raźmieščanyja ŭ punktach propusku praź dziaržaŭnuju miažu. 

Taksama ŭrehulavany pytańni časovaha zachoŭvańnia tavaraŭ dla asabistaha karystańnia, uviezienych fizičnymi asobami, jakija pierasialajucca na pastajannaje miesca žycharstva ŭ Biełaruś.

• 0
• 0
• 0
• 0
• 0
• 0
• 0
• 0