Naviedać čempijanat Jeŭropy pa biljardnym sporcie ŭ Minsku možna biaspłatna
Čempijanat Jeŭropy pa biljardnym sporcie ŭ raździele «Svabodnaja piramida» projdzie ŭ minskim Pałacy sportu (pr-t Pieramožcaŭ, 4) z 31 lipienia pa 3 žniŭnia, paviedamili ŭ Biełaruskaj asacyjacyi biljardnaha sportu.
Aficyjnaje adkryćcio čempijanatu zapłanavana na 11.00, paśla čaho pačnucca papiarednija hulni.
U piatnicu, 1 žniŭnia, buduć vyznačany čverćfinalisty, a sami hulni 1/4 i 1/2 finału projduć u subotu.
Finały zapłanavanyja na niadzielu, 3 žniŭnia.
Vyrašalny žanočy pajadynak pačniecca ŭ 12.00, mužčynski — u 14.00.
U mužčynskim turniry vystupiać 64 biljardysty, u žanočym — 32 spartsmienki.
Va ŭsie dni spabornictvaŭ uvachod dla hledačoŭ volny.
U hulni ŭ «Volnuju piramidu» vykarystoŭvajecca standartny nabor z šasnaccaci piramidnych biljardnych šaroŭ: piatnaccać biełych i adzin kalarovy šar biez numara. Pry vykanańni luboha ŭdaru (za vyklučeńniem pačatkovaha) hulec moža vykarystoŭvać u jakaści bitka luby šar na pavierchni stała (niezaležna ad jaho numara i koleru). Vyjhraje toj, chto pieršym (raniej za sapiernika) nabiare vosiem ačkoŭ.
Vosieńniu 2012 hoda ŭ «Minsk-Arenie» adbyvałasia finalnaja častka čempijanatu śvietu pa hetaj raznavidnaści biljardnaha sportu.
Biełaruskaj spartsmiency Volzie Dabryjan tady ŭdałosia stać bronzavym pryzioram žanočych spabornictvaŭ.
Ciapier čytajuć
Prapahandysty pakazali mocna schudniełaha Vasila Vieramiejčyka15
Kamientary