Pakazalnaje karmleńnie lvoŭ pakaža Minski zaapark u dzień svajho 30-hodździa
9 žniŭnia Minski zaapark šyroka śviatkuje 30-hadovy jubilej.
Niezvyčajnyja śviatočnyja mierapryjemstvy prachodziać siońnia na sceničnaj placoŭcy la ŭvachodu ŭ zaapark, na centralnaj alei i la valjeraŭ z žyviołami: kancert «Vakoł śvietu za 30 hadoŭ», vystavy pioraŭ ptušak Minskaha zaaparka, hryzunoŭ, žyvych pavukoŭ-ptuškajedaŭ i bieschrybtovych.
Na 15.30 zapłanavana pakazalnaje karmleńnie lvoŭ: supracoŭniki pasprabujuć nablizić ŭmovy ŭtrymańnia žyvioł da ich naturalnaha asiarodździa.
«Meta — stymulacyja pryrodnych instynktaŭ u drapiežnikaŭ, jakija źmiaščajucca ŭ niavoli, a taksama demanstracyja charčovych pavodzinaŭ naviedvalnikam. Upieršyniu car źviaroŭ leŭ Aleks ź ilvicami Kisaj i Złataj dazvolać nazirać za svajoj trapiezaj!» — adznačajecca na sajcie Minskaha zaaparka.
Napiaredadni svajho jubileju Minski zaapark vypuściŭ fotaalbom pra historyju i budni zaaparka, z fotazdymkami lvoŭ, jahuaraŭ, zubroŭ, małpaŭ i inšych nasielnikaŭ. Vydańnie pradajecca ŭ kasie zaaparka, pišuć «Minsk-Naviny».
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary