Siły ATA vyzvalili 3 nasielenyja punkty, 13 bajcoŭ zahinuli.
«Padčas vyzvaleńnia Ukrainy za apošnija sutki zahinuli 13 našych chłopcaŭ», — skazaŭ na bryfinhu śpikier infarmacyjna-analityčnaha centra SNBA Ukrainy Andrej Łysienka, udakładniŭšy, što heta ahulnaja ličba pa ŭsich siłavych strukturach.
Jon paviedamiŭ, što za apošnija sutki ŭkrainskija vajskoŭcy praz naniasieńnie dobra skaardynavanych udaraŭ całkam vyzvalili ad rasijskich najmitaŭ try nasielenyja punkty: Kruhlik i Miusinsk ŭ Łuhanskaj vobłaści i Pancielejmonaŭka ŭ Danieckaj vobłaści.
Praciahvałasia bajavoje supraćstajańnie z terarystami ŭ šerahu nasielenych punktaŭ i aeraporcie Łuhanska.
Dziejańni sił ATA supravadžalisia naniasieńniem kropkavych udaraŭ avijacyi pa bazach i apornych punktach terarystaŭ. U pryvatnaści ŭ Horłaŭcy Danieckaj vobłaści źniščana 10 adzinak braniavanaj techniki z ekipažami.
Jašče adnu kałonu vajennaj techniki terarystaŭ ŭkrainskija lotčyki źniščyli kala nasielenaha punkta Antracyt Łuhanskaj vobłaści, — raspavioŭ Łysienka
Piłot ŭkrainskaj źniščalnika MiH-29, jakomu ŭdałosia advieści padbity samalot ad žyłych kvartałaŭ Horłaŭki, i katapultavacca, viarnuŭsia ŭ svaju vajskovuju častku.
Jamu daviałosia niekalki sutak iści pa terytoryi, jakaja časova kantralujecca terarystami i pieraadoleć adlehłaść prykładna 40 km, — adznačyŭ śpikier SNBA.
Akramia taho, pavodle jaho paviedamleńnia, bajeviki praciahvajuć ździajśniać złačynstvy suprać mirnaha nasielnictva na časova akupavanych terytoryjach:
adbirajuć aŭtamabili, abstrelvajuć pasažyrskija aŭtobusy.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1616
Kamientary