Minskija damoŭlenaści majuć patrebu ŭ niaŭchilnym vykanańni, zajaviŭ 12 vieraśnia ŭ Kijevie prezident Jeŭrakamisii Žaze Manuel Barozu.
«Tym nie mienš jany jašče nie harantujuć dasiahnieńnia stabilnaha miru, i my siońnia padrabiazna abmiarkoŭvali pytańnie, jak dasiahnuć stabilnaha palityčnaha rašeńnia, jakoje b harantavała mir pry poŭnaj pavazie da suvierenitetu i terytaryjalnaj cełasnaści Ukrainy», — pryvodzić słovy Barozu pres-słužba ŭkrainskaha prezidenta. Kiraŭnik JEK zaznačyŭ, što palityčnaje rašeńnie pavinna harantavać mir i stabilnaść, poŭny kantrol nad razzbrajeńniem i vyvadam zamiežnych vojskaŭ.
«Jeŭrapiejski sajuz i Jeŭrapiejskaja kamisija zrobiać usio mahčymaje, kab dasiahnuć mirnaha ŭrehulavańnia situacyi va Ukrainie», — zapeŭniŭ Barozu.
«Moj vizit u Kijeŭ źjaŭlajecca simvałam padtrymki Ukrainy jak niezaležnaj, suvierennaj i niedatykalnaj dziaržavy, — skazaŭ jon. — Pieršaje paviedamleńnie, jakoje ja pieradaŭ i prezidentu Parašenku, i tut z dapamohaj miedyja pieradaju ŭsiamu ŭkrainskamu narodu: my z vami. My padtrymlivajem vas u hety vielmi ciažki čas».
Piatro Parašenka vykazaŭ upeŭnienaść, što «alternatyvy mirnamu płanu, spynieńniu ahniu nie isnuje». «Ukraina zapłaciła vielmi vysokuju canu za vajnu, i siońnia my robim usio mahčymaje, kab nie złamać toj krochki praces, jaki idzie na ŭschodzie Ukrainy, i my spadziajemsia ŭtrymać hety mir», — zajaviŭ prezident.
Kamientary