U Prazie adbyŭsia marš u honar 25-j hadaviny «aksamitnaj revalucyi», udzielniki jakoha vykazali pratest prezidentu Čechii Miłašu Ziemanu za jaho prarasijskuju pazicyju.
Va ŭračystaściach, što pieraraśli ŭ akcyju pratestu, pryniali ŭdzieł niekalki tysiač čałaviek.
Padčas vystupu Miłaša Zemana ludzi pačali jaho aśvistvać i pakazvać čyrvonyja kartki (simvalizujuć u futbole «vydaleńnie z pola»), a nieŭzabavie ŭ bok sceny palacieli jajki.
Pa paviedamleńni Frans Pres, niechta z pratestoŭcaŭ trapiŭ jajkam ŭ hałavu prezidentu FRH Joachimu Haŭku, jaki pryjechaŭ na ŭračystaści.
«Miłaš Zieman skazaŭ Haŭku: prabačcie mianie, spadar prezident, heta jajka pryznačałasia mnie, a nie vam», — havorycca ŭ kamientary pradstaŭnika češskaha prezidenta.
Niadaŭniaje intervju Zemana češskamu radyjo vyklikała ŭ miascovaj presie chvalu vostraj krytyki.
U im prezident Zieman vykazaŭsia za ŭmacavańnie suviaziaŭ z Rasijaj i dapuściŭ vielmi rezkija, navat abraźlivyja vykazvańni ŭ adras rasijskaj pank-hrupy Pussy Riot, dźvie ŭdzielnicy jakoj Nadzieja Tałakońnikava i Maryja Alochina praviali ŭ źniavoleńni dva hady za akcyju ŭ chramie Chrysta Zbaŭcy.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary