Łatuška: Jadnańnie ŭ suviazi z trahiedyjaj u Paryžy moža dapamahčy narmalizavać situacyju va Ukrainie
Jadnańnie ŭ suviazi z trahiedyjaj u Paryžy moža dapamahčy narmalizavać situacyju va Ukrainie. Ab hetym u efiry biełaruskich telekanałaŭ zajaviŭ pasoł Biełarusi ŭ Francyi Pavieł Łatuška. 11 studzienia ŭ Paryžy jon uziaŭ udzieł u maršy ŭ pamiać ab achviarach teraktaŭ, paviedamlaje BIEŁTA.
Na marš miru ŭ Paryž prybyli lidary roznych krain. Užo heta daje mahčymaść abmierkavać supolnyja miery, nakiravanyja na vyrašeńnie bujnych mižnarodnych kanfliktaŭ. «Heta moža być stymulujučym faktaram dla bolš hłybokaj acenki padziej u śviecie i vypracoŭki sumiesnych padychodaŭ pa narmalizacyi situacyi ŭ kanfliktnych rehijonach śvietu - na Blizkim Uschodzie, va Ukrainie», - skazaŭ jon.
U čas napadu na redakcyju satyryčnaha vydańnia Charlie Hebdo zahinuŭ fatohraf i žurnalist Mišel Reno, žanaty z hamialčankaj. Pavieł Łatuška raskazaŭ, što pasolstva Biełarusi ŭ Francyi nakiravała spačuvańnie žoncy zahinułaha ŭ horad Klermon-Fieran. Pavieł Łatuška źviarnuŭ uvahu, što hety horad i Homiel — pabracimy.
Na marš miru ŭ Paryžy vyjšli bolš za miljon čałaviek. U šeści ŭziali ŭdzieł francuzskija palityki, kiraŭniki dziaržaŭ i ŭradaŭ, u tym liku prezident Ukrainy Piatro Parašenka i premjerka Polščy Eva Kopač.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary