Miarkujučy z usiaho, heta zdymki 1992 hodu i mienavita pra ich zhadvaŭ Siarhiej Michałok u svaim manalohu:
«Pieršy vystup «Lapisaŭ» pa TV ja hladzieŭ u 37-m adździaleńni psychuški, kudy trapiŭ paśla pieradaziroŭki «džefam», samapalnym narkotykam z sałutanu. Pobač siadzieli niejkija hruziny, aŭtarytet z Fanipala, hałoŭny doktar, sanitary, dziažurny mient i jašče niekalki systemnych «vintavych». Usie byli ŭ adnadušnym zachapleńni. Upieršyniu pobač ź imi byŭ sapraŭdny «ch*j z televizara», jak vykazaŭsia bandyt z Słucku. Ja staŭ zorkaj adździaleńnia i niadrenna pravioŭ dva tydni ŭ zakrytaj napaŭturemnaj ustanovie».
Na videa hurt «Lapis Trubiacki» vykonvaje pieśniu «Ty kinuła». Michałka nia tak i prosta paznać – jamu tut 20 i jon jašče nie ŭvajšoŭ u vobraz viečna ṕjanaha błazna z bajanam. Videa naohuł niby z 70-ch, možna adznačyć lohkaje padabienstva tahačasnych «Lapisaŭ» da cučasnaha mienskaha hurta The Stampletons, ź jakoha pačynaŭ syn Michałka – Pavał. Na videa taksama možna pabačyć udzielnikaŭ pieršaha składu hurta – bas-hitarystaDźmitryja Śvirydoviča, bubnača Alaksieja Lubavina, a taksama niaźmiennaha hitarysta Rusłana Ŭładyku, ciapierašniaha ŭdzielnika hurta Trubetskoy.
Zapis dla historyi zachavaŭsia dziakujučy Ŭładzimieru Zajčanku, kiraŭniku rok-klubu «Niamiha». Pieśnia, praŭda, nie da kanca – videa abryvajecca na 2.17.
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku16
Kamientary