Kiroŭnaja partyja «Nur Atan» padtrymała inicyjatyvu ab praviadzieńni pazačarhovych vybaraŭ prezidenta Kazachstana. Siońnia ŭ Astanie ŭ chodzie bryfinhu pieršy namieśnik staršyni partyi Bauyržan Bajbiek prakamientavaŭ prapanovu Asamblei naroda Kazachstana ab praviadzieńni ŭ krainie pazačarhovych prezidenckich vybaraŭ, piša tengrinews.kz.
«Partyja «Nur Atan» jak viadučaja palityčnaja siła krainy całkam padtrymlivaje inicyjatyvu. U hetaj suviazi, padtrymlivajučy Asambleju naroda Kazachstana, ličym inicyjatyvu ab praviadzieńni pazačarhovych prezidenckich vybaraŭ najbolš dakładnym rašeńniem, jakoje adpaviadaje intaresam krainy i naroda», — zajaviŭ B.Bajbiek.
«Partyja «Nur Atan» zaklikaje ŭsich hramadzian, usie palityčnyja i hramadskija siły padtrymać inicyjatyvu praviadzieńnia pazačarhovych vybaraŭ prezidenta», — dadaŭ Bajbiek.
14 lutaha ŭ Astanie adbyłosia pasiadžeńnie Savieta Asamblei naroda Kazachstana (ANK), na jakim členy Savieta vykazali adnahałosnuju padtrymku šmatlikich zvarotaŭ hramadzian ź inicyjatyvaj pravieści pazačarhovyja vybary prezidenta Kazachstana, jakija pastupajuć u adras ANK.
Na dumku členaŭ Savieta ANK, va ŭmovach narastajučaha suśvietnaha ekanamičnaha kryzisu praviadzieńnie pazačarhovych vybaraŭ prezidenta Kazachstana daść mahčymaść respublicy efiektyŭna ažyćciavić prahramu «Nūrły žoł» i praciahnuć realizacyju doŭhaterminovych pryjarytetaŭ raźvićcia krainy.
«U hety niaprosty čas my zaklikajem usich kazachstancaŭ zhurtavacca vakoł lidara nacyi Nursułtana Abišaviča Nazarbajeva. Važna praz daterminovaje praviadzieńnie prezidenckich vybaraŭ ŭmacavać rost ekanomiki, zabiaśpiečyć pierajemnaść palityki. Hetaja inicyjatyva faktyčna biezalternatyŭnaja. Akramia taho, u nastupnym, 2016 adnačasova buduć terminy praviadzieńnia prezidenckich i parłamienckich vybaraŭ. u metach niaŭchilnaha zachavańnia normaŭ Kanstytucyi metazhodna pravieści ich u rozny čas», — zajavili ŭ ANK.
Nursułtan Nazarbajeŭ kiruje Kazachstanam ad 1990 h. Na vybarach 2011 h., čaćviortyja prezidenckija vybary, jon nabraŭ 95% hałasoŭ, ciapier palitołahi prahnazujuć rost narodnaj padtrymki — 97%.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja15
Kamientary