Uzbrojenyja siły Kanady ŭ budučym mohuć atrymać adzinuju modulnuju strałkovuju zbroju, jakaja vykarystoŭvaje «razumnuju» elektroniku, paviedamiła pres-słužba Ahienctva abaronnych daśledavańniaŭ i raspracovak Kanady (DRDC).
Pradstaŭleny pratatyp zbroi raspracoŭvajecca z 2009 hoda ŭ miežach prajekta SIPES (Soldier Integrated Precision Effects Systems), jaki ŭklučaje vintoŭku i ŭstalavanyja na rulaj 40 mm hranatamiot ci strelbu 12 kalibru.
Zaraz kanadskaja armija vykarystoŭvaje vintoŭki S7 i S8, jakija źjaŭlajucca varyjantami amierykanskich M16A1 i M4. Novaja zbroja, jak płanujecca, budzie lahčej za S7 z padrulnym hranatamiotam M203, bo vučonyja DRDC i śpiecyjalisty kanadskaha adździaleńnia kampanii Colt imknulisia vykarystoŭvać prasunutyja lohkija materyjały.
Ale hałoŭnaje, čym adroźnivajecca šturmavaja vintoŭka — ubudavany kompleks infarmacyjna-dapamožnaj elektroniki, jaki budzie praličvać trajektoryju streła, a taksama zmoža pieradavać dadzienyja pra praciŭnika inšym žaŭnieram i kamandziru. Raspracoŭščyki dumajuć pra mahčymaść dadać u sistemu datčyki dla dakładnaj hieałakacyi voraha.
Takim čynam, kanadskija vajskoŭcy mohuć u siarednieterminovaj pierśpiektyvie atrymać, pa słovach padpałkoŭnika Sierža Łapuanta, «univiersalnuju i hnutkuju płatformu, jakaja zmoža dziejničać na ŭsich teatrach vajennych dziejańniaŭ».
Kamientary