Kiraŭnik Słužby biaśpieki Ukrainy Valancin Nalivajčanka abvinavačvaje pamočnika prezidenta Rasii Uładzisłava Surkova ŭ tym, što jon kiravaŭ snajpierskimi hrupami zamiežnikaŭ na Majdanie Niezaležnaści ŭ lutym 2014 h.
Ab hetym kiraŭnik SBU zajaviŭ u efiry telekanała «1+1», pieradaje Jesprieso.TV.
Nalivajčanka paviedamiŭ, što hetu infarmacyju na dopytach paviedamili supracoŭniki śpiecpadraździaleńnia SBU «Alfa».
«Jany dali kankretnyja śviedčańni pra miescaznachodžańnie zamiežnych snajpierskich hrup, jakija celili i ŭ mitynhoŭcaŭ…, i ŭ supracoŭnikaŭ Ministerstva ŭnutranych spraŭ», — skazaŭ jon.
Nalivajčanka padkreśliŭ, što ŭ pravaachoŭnikaŭ jość dakumientalnaje paćvierdžańnie ich supraćpraŭnaj dziejnaści va Ukrainie.
«U ramkach hetaj vytvorčaści jość pasady, proźviščy, kopii pašpartoŭ, daty ich ŭjezdu-vyjezdu, jakoj suviaźziu jany karystalisia, u jakich pamiaškańniach znachodzilisia, jak daradca prezidenta Pucina Surkoŭ imi kiravaŭ u Kijevie …», - skazaŭ jon.
Nalivajčanka taksama adznačyŭ, što try hrupy supracoŭnikaŭ Fiederalnaj słužby biaśpieki Rasii pryjazdžali ŭ Kijeŭ u śniežni 2013 - lutym 2014 hoda i ažyćciaŭlali arhanizacyju i płanavańnie razhonu aktyvistaŭ Jevromajdana.
Akramia taho, jon padkreśliŭ, što vialikaja kolkaść milicyjantaŭ i supracoŭnikaŭ SBU akazalisia zdradnikami i supracoŭnikami zamiežnych śpiecsłužbaŭ.
U pryvatnaści, były kiraŭnik SBU ŭ Krymie Piotr Zima akazaŭsia supracoŭnikam FSB i dapamahaŭ Rasii ździajśniać aneksiju paŭvostrava.
Usiaho ŭ dziaržaŭnaj zdradzie padazrajucca kala 100 byłych supracoŭnikaŭ SBU, 10 ź jakich aryštavanyja.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary