Kryłatyja zabojcy savieckich tankaŭ viartajucca ŭ Jeŭropu, kab supraćstajać RF
Samyja niebiaśpiečnyja latučyja vorahi savieckich naziemnych vojskaŭ časoŭ Chałodnaj vajny znoŭ buduć baziravacca na jeŭrapiejskich bazach, kab prademanstravać Maskvie hatoŭnaść ZŠA abaraniać svaich sajuźnikaŭ pa NATA.
Pra viartańnie ciažkaŭzbrojenych i braniravanych šturmavikoŭ A-10 u Jeŭropu paviedamiŭ sajt Pavietranych sił ZŠA ŭ Jeŭropie usafe.af.mil.
Upieršyniu ŭ Jeŭropie jany źjavilisia bolš za 30 hod tamu, i hałoŭnaj metaj hetych samalotaŭ zaŭsiody byli ŭdary pa tankavych kałonach savieckich vojskaŭ, kali tyja pasprabujuć atakavać jeŭrapiejskija krainy.
Ciapier adpraŭka 12 mašyn u Jeŭropu słužyć chutčej demanstracyjaj — jana musić «zapeŭnić našych sajuźnikaŭ i partnioraŭ u tym, što padtrymańnie biaśpieki ŭ Jeŭropie źjaŭlajecca dla nas pryjarytetam», adznačyŭ hienierał-lejtenant Pavietranych sił ZŠA Tom Džons.
A-10 — dvuchmatorny samalot, jaki maje nievysokuju chutkaść i vyšyniu palotu, ale dobra manieŭruje i nadziejna abaronieny branioj. Mašyna uzbrojenaja mahutnaj šaścirulnaj 30 mm puškaj GAU-8 Avenger z chutkaściu stralby 3900 strełaŭ u chvilinu. Chutkaść snaradaŭ puški pry pakidańni ruli — 1070 m/s, što dazvalaje joj padbivać i źniščać pry atakach źvierchu i z karmy navat sučasnyja tanki.
Taksama A-10 moža nieści šmat roznych typaŭ rakiet i bomb, najbolš viadomyja ź jakich — taktyčnyja rakiety pavietra-ziamla AGM-65 Maverick z łaziernymi, elektronna-aptyčnymi i infračyrvonymi sistemami naviadzieńnia.
A-10 pastupiŭ na ŭzbrajeńnie ŭ 1977 hodzie, i jahonym bližejšym anałaham źjaŭlajecca saviecki šturmavik Su-25, jaki vykarystoŭvaŭsia Vajenna-pavietranymi siłami SSSR z 1981 hoda i dahetul staić na ŭzbrajeńni RF i postsavieckich krain. Adnak, kali savieckaja mašyna moža brać na bort kala 5200 kh snaradaŭ, rakiet i bomb, to amierykanski šturmavik — amal u 1,5 raza bolej.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary