«Kali Rasiju nie spynić zaraz va Ukrainie, to zaŭtra my ŭbačym destabilizacyju Małdovy i bałtyjskich krain«, — zajaviŭ brytanski premjer-ministr Devid Kemieran.
Vystupajučy ŭ kamitecie pa suviaziach brytanskaha parłamienta, Kemieran adznačyŭ, što praciah rasijskaha ŭmiašańnia va Ukrainie moža pryvieści da novych sankcyj suprać Rasii, uklučajučy treci pakiet sankcyj suprać klučavych halin rasijskaj ekanomiki.
Adkazvajučy na pytańnie ab mahčymaści pradastaŭleńnia Ukrainie zbroi, brytanski premjer skazaŭ, što pra heta dumać pakul nie čas.
Pavodle jaho słoŭ, brytanskija vajskoŭcy dapamohuć ukrainskaj armii z padrychtoŭkaj piersanału i łahistykaj, ale buduć znachodzicca «daloka ad zony kanfliktu».
Pry hetym brytanski premjer nie admaŭlaje mahčymaść u dalejšym dapamohi Kijevu zbrojaj. Adnak pakul havorka idzie tolki pra «nieśmiarotnuju dapamohu».
Premjera taksama spytali ab mahčymaści miratvorčaj misii va Ukrainie. Na dumku Kemierana, z hetym mohuć być prablemy, bo Rasija źjaŭlajecca siabram Rady Biaśpieki AAN, a značyć vałodaje pravam vieta, i sumniavajecca ŭ nieabchodnaści takoj misii.
«Ja nie dumaju, što Rasieja pavodzić siabie jak stratehičny partnior Jeŭropy», — skazaŭ Kemieran.
Ale nieabchodna praciahvać pracu z Rasijaj pa niekatorych pytańniach, takim jak iranskaja jadziernaja prahrama.
Premjer skazaŭ deputatam parłamienta, što Brytanija zdolnaja abaranić svaju pavietranuju prastoru, majučy na ŭvazie pierachop źniščalnikami Karaleŭskich vajenna-pavietranych siłaŭ rasijskich stratehičnych bambavikoŭ la ŭźbiarežža Karnuoła na minułym tydni.
Mahčyma, Rasija sprabuje tym samym niešta dakazać, dadaŭ Kemieran, ale «niezrazumieła što mienavita».
Premjer-ministr Brytanii pa tradycyi pieryjadyčna vystupaje pa pytańniach palityki ŭrada pierad Kamitetam pa suviaziach pałaty abščyn, jakaja kaardynuje pracu roznych parłamienckich kamitetaŭ.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary