U handlovych abjektach z 1 lipienia 2015 hoda budzie zabaroniena vykładka ŭ vitrynach i na inšym handlovym abstalavańni tytuniovych vyrabaŭ (ich uzoraŭ).
Ab hetym zajaviła siońnia žurnalistam namieśnik ministra handlu Iryna Narkievič na pres-kanfierencyi, pryśviečanaj Dniu spažyŭca, jaki budzie adznačacca ŭ Biełarusi 15 sakavika.
«Infarmacyju ab tytuniovych vyrabach u handlovych abjektach i abjektach hramadskaha charčavańnia možna budzie raźmiaščać tolki ŭ vyhladzie pieraliku tytuniovych vyrabaŭ z paznačeńniem ich nazvy i cen. Heta značyć, my kłapocimsia ab zdaroŭi našych ludziej, ale pry hetym nie abmiažoŭvajem pravy kurca — kali jon vyrašyŭ kuryć, jon maje na heta prava», — adznačyła Iryna Narkievič.
Taksama, pavodle jaje słoŭ, budzie zabaroniena vytvorčaść i abarot niekurycielnych tytuniovych vyrabaŭ, pryznačanych dla smaktańnia, vyrablenych z tytuniu i nietytuniovaj syraviny. Akramia taho, pad zabaronu trapić vytvorčaść i prodaž tavaraŭ, što imitujuć źniešni vyhlad abo majuć u svaich najmieńniach nazvy tytuniovych vyrabaŭ.
Zhodna z zakonam «Ab rekłamie» ŭ Biełarusi poŭnaściu zabaroniena rekłama tytuniovych vyrabaŭ, vyznačany miescy, dzie nielha rekłamavać ałkaholnyja i słabaałkaholnyja napitki, piva, a taksama ŭviedzieny abmiežavańni da źmiestu dazvolenaj rekłamy takoj pradukcyi.
Namieśnik ministra kanstatavała: miery, što prymajucca pa baraćbie z tytuniekureńniem i ałkahalizmam, dajuć stanoŭčy efiekt. U 2014 hodzie prodaž tytuniovych vyrabaŭ u Biełarusi źniziŭsia na 9,4% da ŭzroŭniu minułaha hoda, ałkaholnych napitkaŭ — na 7%. Pry hetym biełaruskija spažyŭcy robiać vybar na karyść naturalnaha ałkaholu — naprykład, prodažy vinahradnych vin pavialičylisia na 3,4%, a harełki, likioraŭ i inšych śpirtnych napitkaŭ było realizavana na 10% mienš.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary