Łukašenka patrabuje davać zialonaje śviatło tolki daśledavańniam ź vialikaj navukovaj kaštoŭnaściu
Alaksandr Łukašenka patrabuje padtrymlivać i davać zialonaje śviatło tolki tym daśledavańniam, jakija majuć vialikuju navukovuju kaštoŭnaść i realny efiekt.
Ab hetym kiraŭnik dziaržavy zajaviŭ siońnia ŭ čas uručeńnia dypłomaŭ doktara navuk i atestataŭ prafiesara navukovym i navukova-piedahahičnym rabotnikam.
Alaksandr Łukašenka padkreśliŭ, što ŭ Biełarusi ŭžo skłałasia dobraja tradycyja - va ŭračystaj abstanoŭcy ŭručać dypłomy doktara navuk i atestaty prafiesara lepšym vučonym krainy. Jak ličyć Łukašenka, heta pryznańnie važnaj roli navuki ŭ žyćci hramadstva i vysokaj adkaznaści biełaruskaj navukovaj elity.
«U Biełarusi stupień doktara navuk abo zvańnie prafiesara atrymać niaprosta, — praciahnuŭ kiraŭnik dziaržavy. — Ja pastajanna nacelvaju Vyšejšuju atestacyjnuju kamisiju na toje, kab byŭ nadziejny barjer dla słabych i nieaktualnych rabot. Treba padtrymlivać i davać zialonaje śviatło tolki tym daśledavańniam, jakija majuć vialikuju navukovuju kaštoŭnaść i realny efiekt».
Na dumku Alaksandra Łukašenki, padrychtoŭka navukovych kadraŭ źjaŭlajecca adnym z klučavych źvionaŭ u pavyšeńni efiektyŭnaści rabot daśledčych kalektyvaŭ. Mienavita aktyŭnaja dziejnaść daktaroŭ navuk i prafiesaraŭ — najbolš važkaja charaktarystyka tvorčaha patencyjału navukova-daśledčaha instytuta abo navučalnaj ustanovy.
«U hetym płanie dobry prykład pakazvaje śfiera achovy zdaroŭja, — zaŭvažyŭ Łukašenka. — Apošnija hady ŭ nas abaraniajecca šmat dysiertacyj pa miedycynskaj tematycy. U pryvatnaści, u takich halinach, jak kliničnaja miedycyna, vajennaja chirurhija, ankałohija, endakrynałohija, repraduktyŭnaje zdaroŭje, epidemijałohija, miedycynskaja bijałohija.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary