8 krasavika abvieščany šort-list Premii imia Ježy Hiedrojca za 2015 hod, paviedamlaje sajt premii. U śpis trapili šeść knih.
1. Taćciana Barysik. Žančyna i leapard. — Minsk: «Knihazbor»
2. Alhierd Bacharevič. Dzieci Alindarki. — Minsk: «Halijafy»
3. Anton Francišak Bryl. Jan Jałmužna. — Minsk: «Knihazbor»
4. Andrej Hucaŭ. Kniha zdaniaŭ. — Minsk: «Knihazbor»
5. Siarhiej Dubaviec. Sini karabiel u błakitnym mory płyvie. — Minsk: «Kaŭčeh»
6. Viktar Kaźko. Čas źbirać kości. — Minsk: «Knihazbor».
Da kanca maja žury (Uładzimir Arłoŭ, Ihar Babkoŭ, Małhažata Buchalik, Adam Hłobus, Hanna Kiślicyna, Andrej Fiedarenka, Cichan Čarniakievič, Hanna Jankuta) abvieścić łaŭreataŭ premii.
***
Premija prysudžajecca štohod za najlepšuju knihu, napisanuju na biełaruskaj movie, u žanrach «mastackaja proza» i «eseistyka».
Arhanizatarami konkursu źjaŭlajucca Biełaruski PEN-centr, Sajuz biełaruskich piśmieńnikaŭ, Pasolstva Respubliki Polšča ŭ Respublicy Biełaruś, Polski Instytut u Minsku; fundatar uznaharody — «Ideja Bank». Uznaharody: I miesca — ček na sumu, jakuju kožny hod vyznačaje «Ideja Bank»; II miesca — pierakład tvora na polskuju movu albo tvorčaja stypiendyja ŭ Domie tvorčaści piśmieńnikaŭ, h. Viśbiu, Hotłand (Šviecyja); III miesca — tvorčaja stypiendyja ŭ Vientśpiłsie (Łatvija).
Papiarednimi łaŭreatami premii Hiedrojca byli Pavieł Kaściukievič («Zbornaja Respubliki Biełaruś pa niehałoŭnych vidach sportu», 2012), Uładzimir Niaklajeŭ («Aŭtamat z haziroŭkaj ź siropam i biez», 2013), Ihar Babkoŭ («Chvilinka. Try historyi», 2014)
Kamientary