Minfin RF prapracuje pytańnie ab mahčymaści padatkaabkładańnia dachodaŭ ad kupli-prodažu valuty, paviedamiŭ žurnalistam ministr finansaŭ Anton Siłuanaŭ.
Jon paviedamiŭ, što ŭ lutym biahučaha hoda Minfin nakiravaŭ list u padatkovyja orhany RF, u jakim tłumačyć pytańni padatkaabkładańnia dachodaŭ, atrymanych pry kupli-prodažy valuty z-za źmieny kursaŭ.
«Padatki na valutnyja apieracyi mohuć spahaniacca z roźnicy: kupiŭ (valutu) pa adnoj canie, pradaŭ — pa inšaj canie. Heta pryncyp padatkaabkładańnia», — rastłumačyŭ Siłuanaŭ.
«Inšaje pytańnie — dziejsnaść hetaha lista. Ci mahčyma vyrazna vyznačyć, ad jakich prodažaŭ rubloŭ abo valuty byŭ atrymany dachod, a jakija resursy nie byli kanviertavanyja», — dadaŭ jon.
Raniej na kalehii Minfina kiraŭnik kamiteta Dziarždumy Andrej Makaraŭ źviarnuŭ uvahu na niemahčymaść realizacyi hetaj normy na praktycy. Premjer-ministr Dźmitryj Miadźviedzieŭ pahadziŭsia z deputatam i daručyŭ Minfinu dadatkova prapracavać hetaje pytańnie.
«Pytańnie realizacyi hetaha lista treba budzie jašče abmierkavać», — skazaŭ Siłuanaŭ žurnalistam.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary