Vajenny ekśpiert raspavioŭ, jakija pahrozy dla Ukrainy niasuć majskija śviaty
Padčas śviatkavańnia 9 maja Rasija nie pačnie maštabnaha nastupleńnia, ale pravakacyi nie spyniacca.
Pahroza teraktaŭ, zaklikanych abvastryć situacyju na Danbasie ŭ pieryjad majskich śviataŭ, całkam realnaja, choć pierabolšvać jaje nie varta.
Pra heta ŭ kamientary «Hłavriedu» zajaviŭ eks-namieśnik kiraŭnika SBU, hienierał-lejtenant Alaksandr Skipalski.
«Ja padtrymlivaju rytoryku i acenku premjer-ministra Arsienija Jacaniuka z nahody pahroz, jakija isnujuć na majskija śviaty. Ale chaciełasia b, kab usio nie skončyłasia vyklučna razmovami, a kab byli pryniatyja adpaviednyja arhanizacyjnyja miery pa refarmavańni, uzmacnieńni, bazavym i strukturnym źmienam sistemy pravaachoŭnych orhanaŭ. Tamu što ŭzrovień pahrozy destabilizacyi situacyi va ŭkrainskich haradach siońnia ŭzrastaje, pra što śviedčyć, jak my bačym, i acenka na najvyšejšym uzroŭni», — padkreśliŭ ekśpiert.
Dla hetaha, na dumku hienierała, «treba nie tolki mabilizavać ludziej i siły šlacham abjaŭleńnia ŭzroŭniu pahrozy i papiaredžańnia ab vierahodnych dziejańniach padryŭnoha charaktaru, ale i zrabić kankretnyja kroki ŭsich halin ŭłady».
«Tamu što destabilizacyja situacyi ŭ pieryjad majskich śviataŭ mahčymaja pa ŭsioj terytoryi Ukrainy. Heta moža być i aktyvizacyja dziejnaści Rasii i prarasiejskich sił na ŭschodzie krainy. Heta i aktyvizacyja padpolnych hrup, jakija va Ukrainie isnujuć u pamiežnych z Danbasam abłaściach. U pieršuju čarhu, hetaja pahroza vialikaja ŭ Charkaŭskaj, Dnieprapiatroŭskaj i Sumskaj abłaściach. A, akramia taho, u hetyja dni varta być hatovymi da aktyvizacyi dziejnaści kamunistyčnych struktur, a taksama prakamunistyčnych struktur nakštałt moładzievych bajavych atradaŭ kamsamoła i h.d.», — zajaviŭ jon.
Skipalski taksama źviarnuŭ uvahu na toje, što ciapier Ukraina znachodzicca ŭ stanie vajny, i, «miarkujučy pa zajavach Pucina, namahańni jaho buduć skancentravanyja mienavita na destabilizacyi situacyi ŭ našaj krainie šlacham arhanizacyi padpolna-dyviersijnaj dziejnaści».
«Chutčej za ŭsio, sistemnaha nastupu na Danbasie ŭ pieryjad majskich śviataŭ nie budzie, tamu što Rasija rychtujecca adznačać Dzień Pieramohi, adpaviedna, i ŭsie (i palityki, i vajennyja, i Pucin) buduć skancentravany na praviadzieńni hetaha šyrokamaštabnaha mierapryjemstva. A voś dziejnaść raźviedvalnych i padryŭnych hrup u hetyja dni budzie aktyŭna praciahvacca, kab nie dać supakoicca abstanoŭcy. Rasii nie vyhadny spakoj va Ukrainie, tamu jana budzie pastajanna padkidvać drovy, kab połymia supraćstajańnia hareła», — reziumavaŭ ekśpiert.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja12
Kamientary