Prakuraturaj Partyzanskaha rajona Minska pa materyjałach HUBEZ HUUS Minharvykankama raspačata kryminalnaja sprava za pieravyšeńnie słužbovych paŭnamoctvaŭ u dačynieńni da načalnika adnaho z upraŭleńniaŭ AAT «MTZ».
Jak paviedamlaje HUUS, jon i kiraŭnik budaŭničaha TAA padazrajucca ŭ falsifikacyi pracedury pieramoŭ pa zaklučeńni dahavora budaŭničaha padradu. U vyniku pravierki dahavor skasavany, a pradpryjemstvu praduchileny ŭron u pamiery bolš za 664 młn. rubloŭ.
U chodzie pravierki supracoŭnikami BEZ ustanoŭlena, što ŭ červieni 2014 hoda z karyślivaj zacikaŭlenaści pry pracedury zakupki pasłuh za košt srodkaŭ AAT «MTZ» fihurant daŭ niezakonnaje ŭkazańnie padnačalenamu supracoŭniku na padrychtoŭku falšyvych dakumientaŭ pa praviadzieńni pieramoŭ. U chodzie hetych pieramoŭ mierkavałasia na kankurentnaj asnovie vybrać padradčyka dla vykanańnia dachavych rabot na abjekcie pradpryjemstva. U vyniku akramia «patrebnaha» TAA byli padabrany jašče try farmalnyja ŭdzielniki pracedury pieramoŭ, ad imia jakich byli aformleny niekankurentazdolnyja prapanovy.
Milicyjaniery pahutaryli z kiraŭnikami hetych troch kampanij. U chodzie apytańnia vyśvietliłasia, što kamiercyjnyja prapanovy ŭ adras MTZ jany nie rychtavali, raźlikaŭ koštu rabot na abjekcie nie rabili. Adnak pa prośbie padpisali ŭsie nieabchodnyja dakumienty.
Z ulikam hetych akaličnaściej pa inicyjatyvie UBEZ HUUS była praviedziena paŭtornaja pracedura pieramoŭ pa pošuku padradčyka dla vykanańnia dachavych rabot.
Razam z tym va UBEZ HUUS źviarnuli ŭvahu na niekatoryja akaličnaści, što raskrylisia ŭ chodzie pravierki. Sprava ŭ tym, što z dnia svajho zasnavańnia zhadanaja budaŭničaja firma pravodziła praktyčna ŭsie svaje raboty mienavita na MTZ. Naturalna, pry hetym rehularna pieramahajučy kankurentnyja prapanovy inšych kampanij.
U chodzie pravierki vyśvietliłasia, što vosieńniu 2013 hoda TAA ažyćciaŭlała ramontnyja raboty ŭ kvatery kiraŭnika MTZ. Na biazvypłatnaj asnovie. Pry hetym aficyjna praviadzieńnie hetych rabot nidzie nie afarmlałasia.
Kryminalnaja sprava nakiravana dla praviadzieńnia papiaredniaha rasśledavańnia ŭ Partyzanski rajonny adździeł Śledčaha kamiteta.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary