Litva, mahčyma, adzinaja siarod krain Jeŭrasajuza, chto całkam bajkatuje ŭračystaści z nahody jubileju zaviaršeńnia Druhoj suśvietnaj vajny ŭ Maskvie 9 maja, paviedamili ahienctvu BNS dypłamaty.
«Pradstaŭniki Litvy nie buduć prysutničać na vajskovym paradzie 9 maja na Krasnaj płoščy, u Maskvie», — paviedamili ŭ departamiencie infarmacyi i suviaziaŭ z hramadskaściu litoŭskaha MZS.
Pa paviedamleńni ministerstva, pasoł Litvy ŭ Rasii, ušanuje pamiać zahinułych u Druhoj suśvietnaj vajnie 8 maja, uskłaŭšy kvietki da Mahiły nieviadomaha sałdata. U hetaj cyrymonii prymuć udzieł i inšyja pasły krain ES.
U suviazi ź dziejańniami Rasii va Ukrainie ŭ Maskvu admovilisia prybyć kiraŭniki bolšaści krain Zachodniaj Jeŭropy, adnak, mnohija krainy delehujuć słužbovych asob bolš nizkaha ranhu — u asnoŭnym pasłoŭ.
Łatvija i Estonija paćvierdzili, što 9 maja ich dziaržavy buduć pradstaŭleny pasłami.
Dvoje dypłamataŭ z roznych viedamstvaŭ paviedamili BNS, što Litva budie adzinaj dziaržavaj ES, jakoje vyrašyła nie pasyłać navat pasła.
ZŠA ŭ Maskvie taksama buduć pradstaŭleny na ŭzroŭni pasła.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?2
Kamientary