U Minsku zatrymali hrupu žančyn, jakija arhanizoŭvali mihracyju ź Blizkaha Uschodu
Pavodle infarmacyi MUS, u schiemie ŭdzielničali try žančyny. Dźvie 53‑hadovyja fihurantki stvaryli IT-kampanii i afarmlali dla zamiežnikaŭ padroblenyja dakumienty ab pracaŭładkavańni na pasady inžynieraŭ-prahramistaŭ. Na padstavie hetych dakumientaŭ inšaziemcy atrymlivali vizy i dazvoły na časovaje pražyvańnie ŭ Biełarusi.
Śledstva śćviardžaje, što nasamreč zamiežnyja hramadzianie zajmalisia prasoŭvańniem anłajn-kazino dla žycharoŭ svaich krain, dzie takaja dziejnaść zabaronienaja. Akramia taho, u adnym z arandavanych damoŭ u Minskim rajonie była arhanizavanaja studyja dla vyrabu eratyčnaha kantentu, jaki vykarystoŭvaŭsia ŭ rekłamnych metach.
Treciaja zatrymanaja, 21‑hadovaja minčanka, zajmałasia pošukam klijentaŭ. Pavodle źviestak MUS, joj dapamahali dvoje vychadcaŭ ź Blizkaha Uschodu va ŭzroście 28 i 33 hadoŭ.
Pavodle papiarednich danych, takim čynam byli aformlenyja dakumienty jak minimum dla 40 zamiežnikaŭ. Za svaje pasłuhi arhanizatary brali ad 1,5 da 2 tysiač dalaraŭ z čałavieka.
Pa fakcie arhanizacyi niezakonnaj mihracyi zaviali kryminalnuju spravu. Zamiežnym hramadzianam, jakija znachodzilisia ŭ krainie z parušeńniem zakanadaŭstva, pahražaje prymusovaje vysialeńnie. Śledčyja taksama vyśviatlajuć mahčymych inšych udzielnikaŭ schiemy.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary