Krainy Jeŭropy vystavili Rasii ŭltymatum pa Ukrainie, prapanavaŭšy pahadzicca na nieadkładnaje spynieńnie ahniu, pačać mirnyja pieramovy i kampiensavać naniesienuju Kijevu škodu, zajaviŭ kiraŭnik MZS RF Siarhiej Łaŭroŭ.
«Davier nielha viarnuć, a dyjałoh adnavić z dapamohaj ultymatumaŭ, padobnych da taho, jaki byŭ vystaŭleny Rasii ŭ Łondanie 7 červienia», — napisaŭ Łaŭroŭ u artykule «Ukraina, Jeŭropa i hłabalnaja biaśpieka».
Pavodle jaho słoŭ, jeŭrapiejskija krainy damahajucca chutčejšaha spynieńnia ahniu, kab «nie dapuścić krachu USU na froncie», «zamarozić» vajenny kanflikt «bieź likvidacyi jaho pieršapryčyn» i ŭvieści na terytoryju Ukrainy svaje vajskovyja kantynhienty. «Adzinaja Jeŭropa praciahvaje maryć pra ekspansiju, maje namier asvojvać Ukrainu i Małdovu, uciahvaje ŭ svaju arbitu Armieniju», — adznačyŭ Łaŭroŭ.
Pry hetym jon padkreśliŭ, što Ukraina razhladajecca jak «udarny kułak» budučych jeŭrapiejskich uzbrojenych sił.
«Takaja situacyja niasie surjoznyja ryzyki dla hłabalnaj biaśpieki, bo pramoje sutyknieńnie pamiž NATA i Rasijaj moža chutka pieraraści ŭ abmien jadziernymi ŭdarami z katastrafičnymi nastupstvami», — papiaredziŭ kiraŭnik MZS.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Heta nie byŭ ultymatum, heta była prapanova zdacca.
[Zredahavana]