Pra heta paviedamili arhanizatary ekspazicyi ŭ zamku.
Na vystaŭcy pakazana 29 ekspanataŭ, žamčužynaj źjaŭlajecca adziny na hety čas ekzemplar Radziviłaŭskaj Biblii 1563 hoda vydańnia, jaki zachavaŭsia na terytoryi Biełarusi.
Suśvietna viadomaja Biblija była nadrukavana ŭ Bresckaj drukarni. Kniha ŭjaŭlaje saboj poŭny tekst Śviatoha Pisańnia na polskaj litaraturnaj movie XVI stahodździa. Heta Biblija stała adnym z samych poŭnych i daskanałych vydańniaŭ svajho času na terytoryi Vialikaha Kniastva Litoŭskaha. U joj 738 staronak, 14 hraviur. Ź vialikim majsterstvam vykanany zastaŭki, vińjetki, vialikija litary-inicyjały. Na palach staronak raźmiaščajucca kamientaryi da tekstu. Hraviury z Radziviłaŭskaj Biblii pryznany šedeŭrami biełaruskaj hrafiki. Na tytulnym liście vyhraviravany hierb Radziviłaŭ. Na pieršaj staroncy prysutničaje pryśviačeńnie karalu Žyhimontu Aŭhustu. Upieršyniu ŭ historyi knihadrukavańnia Biełarusi ŭ Bresckaj Biblii źmieščany pradmietny pakazalnik.
Ekspazicyja knih radziviłaŭskaj biblijateki epochi Mikałaja Radziviła Čornaha padabrana z fondaŭ Centralnaj navukovaj biblijateki imia Jakuba Kołasa NAN Biełarusi. Kalekcyja knih, jakija naležali Radziviłam, z fondaŭ CNB NAN — adzin z samych vialikich knižnych zboraŭ, što zachavalisia na terytoryi Biełarusi. U jaho składzie bolš jak 3,5 tys. drukavanych i rukapisnych dakumientaŭ. Tematyka vydańniaŭ, jakija ŭvachodziać u biblijateku, vyznačajecca vialikaj raznastajnaściu, zakranaje roznyja śfiery čałaviečaha žyćcia.
Vystaŭka budzie pradaŭžacca da 27 maja ŭklučna.
-
«Ja vam skažu — zusim nie toje!» Na 80‑hodździ va Urocłavie Niaklajeŭ paraŭnaŭ pacałunki Brežnieva i Cichanoŭskaj
-
U Vienie za 776 tysiač jeŭra nachilili pomnik meru. Jaho antysiemityzm natchniaŭ Hitlera
-
U Pružanskim kaściole novy arhan, jaki pryvieźli ź Niderłandaŭ. Papiaredni kaścielny arhan puścili na drovy dla Doma kultury
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary