Hety praces adbyvajecca niekalki dzion zapar na fonie niehatyŭnaj statystyki ŭ Rasii — padzieńnie VUP za krasavik na 4,2%.
Kurs dalara padčas tarhoŭ na Biełaruskaj valutna-fondavaj biržy istotna vyras. Siarednieŭzvažany kurs uźniaŭsia da 15 130 rubloŭ.
Apošni raz takija vysokija ličby fiksavalisia ŭ siaredzinie sakavika (15 120 — 16 sakavika).
Nahadajem, aficyjny kurs na siońnia składaŭ 14 943 rubli.
Rost kursa dalara ŭ Biełarusi vyklikany rezkim padzieńniem rasijskaha rubla. Hety praces adbyvajecca niekalki dzion zapar na fonie niehatyŭnaj statystyki ŭ Rasii (padzieńnie VUP za krasavik na 4,2%), a taksama abvastreńniem situacyi na Danbasie.
Kurs jeŭra pry hetym dasiahnuŭ 17031 rubla (było 16 657 rubloŭ), a rasijski rubiel apuściŭsia z 281,22 da 274,36 rubla.
Abjomy tarhoŭ na Biełaruskaj valutna-fondavaj biržy źmienšylisia da minimalnych ličbaŭ. Apošnija try dni ahulny abjom tarhoŭ składaje ŭsiaho kala $40 miljonaŭ. Eksparciory pradajuć valutu tolki ŭ pamiery abaviazkovaha minimuma. Astatnija ŭhody pierajšli na mižbankaŭski rynak.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary