Abłamiejka: Stvarać u Biełarusi nacyjanalny ŭniviersitet niama patreby
Stvarać u Biełarusi novy ŭniviersitet, jaki b uziaŭ na siabie rolu nacyjanalnaha, niama patreby, ličyć rektar Biełaruskaha dziaržaŭnaha ŭniviersiteta Siarhiej Abłamiejka.
Takoje mierkavańnie jon vykazaŭ 4 červienia paśla padpisańnia pahadnieńnia ab vypusku pieršaj partyi šmatfunkcyjanalnych intelektualnych paśviedčańniaŭ supracoŭnikaŭ BDU.
«Naš univiersitet — heta viadučaja vyšejšaja navučalnaja ŭstanova krainy, i jon vydatna spraŭlajecca z rolaj nacyjanalnaha ŭniviersiteta, — skazaŭ jon. — My vykonvajem tyja ž funkcyi, što i viadučyja VNU našych susiedziaŭ — Maskoŭski i Sankt-Pieciarburhski dziaržaŭnyja ŭniviersitety, choć słovy «nacyjanalny» ŭ ich nazvach niama, akramia Kijeŭskaha nacyjanalnaha ŭniviersiteta imia Tarasa Šaŭčenki, ale taki status majecca na ŭvazie».
Pavodle słoŭ Abłamiejki, stvareńnie niejkaha novaha ŭniviersiteta — praces praciahły, šmathadovy i zatratny. «Jašče adno pytańnie — heta akademičny, vykładčycki skład. Dzie jaho ŭziać?» — skazaŭ jon.
Adkazvajučy na pytańnie pra rolu BDU ŭ realizacyi ŭmoŭ uvachodžańnia Biełarusi ŭ Bałonski praces, rektar skazaŭ: «Zrobim usio, što prapanuje nam Ministerstva adukacyi, jakoje za heta adkazvaje. Dumaju, što ničoha kardynalna mianiać nie daviadziecca, ja nie baču tut nijakich prablem».
Apytanka
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary