Supracoŭnikami Kamiteta dziaržaŭnaj biaśpieki pry atrymańni chabaru ŭ pamiery 4 tysiač jeŭra zatrymany z dokazami złačynstva načalnik adździeła arhanizacyi ramontu avijacyjnaj techniki Dziaržaŭnaj avaryjna-vyratavalnaj ustanovy «Avijacyja» Ministerstva pa nadzvyčajnych situacyjach Respubliki Biełaruś, paviedamlaje aficyjny sajt KDB.
Ustanoŭlena, što ŭ pieryjad z 2013 pa 2015 hod słužbovaja asoba MNS za niezakonnaje hrašovaje ŭznaharodžańnie ŭ pamiery 10 pracentaŭ ad sumy kantrakta ŭ intaresach asobnych rasijskich kamiercyjnych struktur arhanizavała praviadzieńnie tendaraŭ na zakupku avijacyjnych zapčastak pa zavyšanym košcie. Pry jaho ŭdziele zaklučana bolš za 20 dahavoraŭ na ahulnuju sumu zvyš 25 młn rasijskich rubloŭ, 44 tysiač dalaraŭ ZŠA i 39 tysiač jeŭra.
U vyniku praviedzienych apieratyŭnych mierapryjemstvaŭ ustanoŭleny kanał atrymańnia supracoŭnikam MNS chabaraŭ, z dapamohaj tak zvanych «kurjeraŭ», jakich zatrymany vykarystaŭ «uciomnuju» dla pieravozki hrašovych srodkaŭ z terytoryi Rasijskaj Fiederacyi.
U dačynieńni da słužbovaj asoby MNS raspačataja kryminalnaja sprava pa č.2. art. 430 (atrymańnie chabaru ŭ bujnym pamiery) Kryminalnaha Kodeksa Respubliki Biełaruś.
U chodzie nieadkładnych śledčych dziejańniaŭ u depazitarnaj jačejcy fihuranta znojdziena i kanfiskavana najaŭnych hrašovych srodkaŭ na sumu 89 900 dalaraŭ ZŠA, 20 tysiač jeŭra i 900 tysiač rasijskich rubloŭ.
Dla dalejšaha rasśledavańnia kryminalnaja sprava pieradadziena ŭ Śledčy kamitet Respubliki Biełaruś.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary