Sprava pa art. 340 Kryminalnaha kodeksa (zaviedoma niepraŭdzivaje paviedamleńnie ab niebiaśpiecy) była raspačataja 10 červienia ŭ dačynieńni da 47-hadovaha načalnika padraździaleńnia avijacyjnaj biaśpieki Homielskaha filijała «Biełaeranavihacyi».
Jak paviedamiŭ homielski transpartny prakuror Siarhiej Kazakievič, u noč na 10 červienia načalnik padraździaleńnia, znachodziačysia na pracoŭnym miescy, razdrukavaŭ staronki z tekstam «Vy zaminiravanyja. Pryvitańnie ad śpiecnaza» i raskłaŭ u roznych miescach aeraporta. Achova chutka zreahavała na znojdzienaje paviedamleńnie ab niebiaśpiecy, na terytoryju aeraporta prybyli pradstaŭniki ŭsich słužbaŭ. Byŭ pierakryty dostup da aeraporta, uziaty ŭ ačapleńnie prybyŭšy ŭ hety čas samalot, hrupa raźminiravańnia pravieryła terytoryju, ale vybuchovych pryład nie znajšła.
Ranicaj načalnik padraździaleńnia pryznaŭsia ŭ zroblenym i rastłumačyŭ, što takim čynam chacieŭ pravieryć pilnaść achovy aeraporta.
Adnak supracoŭniki achovy nie znachodziacca ŭ jaho padparadkavańni, i jon nie mieŭ paŭnamoctvaŭ pravodzić padobnyja pravierki, nie paviedamiŭ adpaviednym słužbam. Padazrony adchileny ad pasady.
Rasśledavańnie viadzie Śledčy kamitet, sankcyja artykuła KK praduhledžvaje pakarańnie ad štrafu da piaci hadoŭ pazbaŭleńnia voli.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary