U Breście płanujecca ŭstanavić pomnik Uładzimiru Vysockamu, paviedamlaje aficyjny sajt Bresckaha harvykankama.
Ideja abmiarkoŭvałasia 16 červienia padčas rabočaj sustrečy staršyni harvykankama Alaksandra Rahačuka z administracyjaj haścinicy «Buh», dzie ŭ 1972 i ŭ 1974 hadach Vysocki dvojčy spyniaŭsia, i ŭpaŭnavažanym inviestara. U sustrečy taksama ŭziali ŭdzieł hałoŭny architektar horada i śpiecyjalisty pa pytańniach zachavańnia historyka-kulturnaj spadčyny horada.
Vykazvałasia ideja aformić u styli 1970-ch hadoŭ adzin z numaroŭ haścinicy, dzie žyŭ Vysocki, a ŭ susiednim pamiaškańni stvaryć ekspazicyju, pryśviečanuju jaho pamiaci.
Abmiarkoŭvałasia i mahčymaje miesca ŭstanoŭki skulpturnaj kampazicyi, u pryvatnaści, niedaloka ad uvachodu ŭ haścinicu «Buh». Hety ŭčastak pavinien być rekanstrujavany, pry hetym usie drevy i kusty zastanucca na svaich miescach. Takim čynam, tut moža źjavicca nievialiki skvier, u jaki arhanična ŭpišacca skulpturnaja kampazicyja.
Ideja stvaryć pomnik Vysockamu vyniesienaja na hramadskaje abmierkavańnie. Zaŭvahi i prapanovy možna dasyłać da 1 vieraśnia na adras redakcyi haziety «Briestskij viestnik» (Brest, vulica Mickieviča, dom 25) ci na adras elektronnaj pošty vydańnia [email protected] z paznakaj «Pamiatnaje miesca Vysockaha ŭ Breście».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary