Deputat Alaksiej Žuraŭloŭ ŭnios u Dziarždumu RF zakonaprajekt, jaki abaviazvaje markiravać rekłamu pradukcyi kampanij, jakija supracoŭničali z Nacyjanał-sacyjalistyčnaj partyjaj Hiermanii i italjanskaj Nacyjanalnaj fašysckaj partyjaj, pieradaje radyjostancyja «Hovorit Moskva».
«Karparacyi, jakija zrabili svaje kapitały na kryvi našych suajčyńnikaŭ, tyja, chto supracoŭničaŭ z fašysckimi režymami, jak minimum, pavinny infarmavać pra heta našych pakupnikoŭ. Pavinny rabić markiroŭku ŭłasnaj pradukcyi», — skazaŭ jon.
Radyjostancyja źviarnuła ŭvahu na jaho dekłaracyju ab dachodach, zhodna ź jakoj u deputata niamiecki aŭtamabil Mercedes Benz ML 63, a ŭ jaho žonki — BMW X3. Pres-sakratar parłamientaryja Sofja Čarapanava zapeŭniła, što Žuraŭloŭ «admoviŭsia ad Mercedes» i jeździć na słužbovym aŭtamabili, marku jakoha jana nie ŭdakładniła. Infarmacyju pra žonku jana nie paviedamiła.
Žuraŭloŭ rastłumačyŭ, što ŭ rejestr patrapiać takija kampanii jak Lufthansa, BMW, Metro Cash & Carry, Siemens, Coca-Cola i inšyja.
Hazieta «Iźviestija», u rasparadžeńni jakoj jość tekst zakonaprajekta, piša, što deputat prapanavaŭ źmianić zakon ab rekłamie, dadaŭšy ŭ jaho artykuł «Rekłama pradukcyi zamiežnych kamiercyjnych arhanizacyj, jakija mieli dziełavyja kantakty z Nacyjanał-sacyjalistyčnaj partyjaj Hiermanii abo fašysckaj partyjaj Italii».
Miarkujecca, što ŭ rekłamie tavaraŭ takich kampanij na radyjo nie mienš za try siekundy buduć nadavać minułamu kampanii, u televizijnych rekłamnych rolikach — nie mienš za piać siekund na jak minimum 7% płoščy kadra. U drukavanaj rekłamie kolišniamu supracoŭnictvu z nacystami i fašystami, zhodna z zakonaprajektam, treba nadavać jak minimum 10% płoščy.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary