Džychadzisty «Isłamskaj dziaržavy» raźmiaścili ŭ internecie videa, u jakim, jak śćviardžajecca, pakazana, jak bajeviki rasstrelvajuć 25 čałaviek na ruinach staražytnaha horada Palmira, statui jakoha isłamisty razburali na hetym tydni.
Jak vidać na kadrach videazapisu, niekatorym zabojcam 13—14 hadoŭ.
Pry hetym zapis upieršyniu źjaviłasia na akaŭntach, raniej nie źviazanych z «Isłamskaj dziaržavaj».
U videaroliku taksama prysutničajuć niekalki sotniaŭ hledačoŭ pakarańnia ŭ cyvilnym, siarod jakich jość maleńki chłopčyk.
Adrazu paśla zachopu ruin staražytnaha horada ŭ mai džychadzisty rasstralali 20 čałaviek u Palmiry.
Na hetym tydni na poŭnačy Siryi atrady isłamistaŭ pačali masiravany nastup, majučy namier kančatkova adbić horad Alepa va ŭradavych sił.
Za čatyry hady hramadzianskaj vajny ŭ Siryi zahinuli 230 tysiačaŭ čałaviek
Kamientary