Dla taho, kab abrabavać bank, nieviadomamu dastatkova było pahrukać u dźviery j nazvać siabie inkasataram sa Śvietłahorsku.
Dla taho, kab abrabavać jaho, nieviadomamu dastatkova było pahrukać u dźviery j nazvać siabie inkasataram sa Śvietłahorsku. Darečy, da milicyi było ŭsiaho 250 metraŭ. Śledztva praciahvajecca.
U haradskim pasiołku Sasnovy Bor Śvietłahorskaha rajonu adździaleńnie «Biełarusbanku» znachodzicca ŭ dvuchpaviarchovym budynku razam z poštaj i aptekaj. Pastarunak milicyi — na susiedniaj vulicy, pryblizna ŭ 250 m ad banku.
25 lutaha pamiž 13‑ciu i 14‑ciu hadzinami ŭ milicyju patelefanavała zahadčyca apteki. Jana paviedamiła, što adździaleńnie banku abrabavana. Praź niekalki chvilin milicyjanty ŭziali miesca zdareńnia pad nazirańnie. Na druhim paviersie budynku znajšli dziaŭčynu — staršaha kasira, jakaja była ŭsia ŭ ślazach.
Taja raspaviała, što pryblizna ŭ 13 hadzin 10 chvilin, padčas abiedzienaha pierapynku, chtości pahrukaŭ u dźviery banka. Na pytańnie kasira: «Chto tam?» — nieviadomy adkazaŭ: «Inkasacyja». Kasirka adčyniła ŭvachod, mužčyna ŭ čornaj šapcy z prarezami dla vačej udaryŭ jaje ŭ tvar i pavaliŭ na padłohu. Jon prajšoŭ za pieraharodku, zabraŭ z kasy kala 9 młn. rub. u bankaŭskich upakoŭkach i ŭciok. Hrošy pryznačalisia dla vypłaty ŭ hety dzień zarobku rabotnikam žyllova‑kamunalnaha pradpryjemstva «Śvietač».
Milicyjanty pačali šukać rabaŭnika ŭ budynku i na vulicach, u tym liku pry ŭdziele kinolaha z sabakam, ale vynikaŭ heta nie dało. Miascovyja ludzi nia bačyli, kab padčas zdareńnia chtości vychodziŭ z banku. Na miescy zdareńnia pabyvaŭ dyrektar rajonnaha filijału «Biełarusbanku» Michaił Kalinin. Na mierkavańnie supracoŭnikaŭ adździełu biaśpieki rajonnaha filijału, staršy kasir pavodle instrukcyi nie pavinna była adychodzić ad kropki tryvožnaj syhnalizacyi i adčyniać dźviery.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary