Rusifikacyja: na sajtach siarednich škoł imia Bahuševiča, Kołasa, Kupały ni słova pa-biełarusku
U redakcyju «NN» źviarnuŭsia čytač Maksim M., jaki źviarnuŭ uvahu, što sajt Hliniščanskaj siaredniaj škoły imia Ivana Mieleža aformleny całkam pa-rasiejsku.
Sapraŭdy, znajści choć niešta pa-biełarusku na sajcie siaredniaj škoły nie atrymałasia zusim. My vyrašyli prahladzieć internet-staronki inšych škoł, jakija tak ci inakš źviazanyja ź imionami słavutych biełarusaŭ.
Na sajcie Župranskaj siaredniaj škoły imia Franciška Bahuševiča pa-biełarusku tolki nazva naviny «Mnie śniacca sny ab Biełarusi», ale źmieściva natatki ŭžo pa-rusku. My patelefanavali dyrektarcy škoły Kaciarynie Astaramovič. Voś što jana skazała:
«Nam dazvalali, kab naviny byli pa-rusku. Nijakaha ŭkazańnia rabić sajt pa-biełarusku nie było. My sami chočam pierakłaści staronku na biełaruskuju, bližejšym časam zojmiemsia», - adkazała dyrektarka.
Tak i zhadvajucca słovy Franciška Bahuševiča: «Nie pakidajcie rodnaj movy, kab nie ŭmiorli».
Takaja samaja situacyja na sajcie Cimkavickaj siaredniaj škoły imia Kuźmy Čornaha.
Na sajcie Viazynskaj škoły pa-biełarusku aformlena tolki nieaktyŭnaja ŭkładka «Apytańni» i «Internet-resursy».
Usio całkam pa-rusku na sajcie Kapylskaj siaredniaj škoły №2 imia Ciški Hartnaha.
Da honara Uździenskaj siaredniaj škoły №2 imia Kandrata Krapivy na ich sajcie znajšłosia dźvie naviny pa-biełarusku. Adna ź ich tyčyłasia jakraz asoby słavutaha ziemlaka, a druhaja pra mierapryjemstva ab Mižnarodnym dni rodnaj movy.
Na sajcie Pinkavickaj siaredniaj škoły imia Jakuba Kołasa jość mahčymaść abrać biełaruskamoŭnuju viersiju sajta, ale ŭsio naviny ab žyćci škoły tam iduć usio adno pa-rusku.
Ničym u hetym pieraliku nie ździviła i Sieńnickaja siaredniaja škoła imia Janki Kupały. Sajt taksama aformleny tolki pa-rusku.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary