U čaćvier u Vilni hienieralny sakratar NATA Jens Stołtenbierh abviaściŭ pra adkryćcio šaści nievialikich štaboŭ u Litvie i jašče piaci krainach Uschodniaj i Centralnaj Jeŭropy, jakija zaklikany słužyć prysutnaści Aljansu dla strymlivańnia Rasii.
Kamandnyja štaby, jakija nazyvajuć adzinkami intehracyi sił NATA ŭ Bałharyi, Łatvii, Litvie, Rumynii i Estonii aficyjna aktyvavanyja ŭ aŭtorak. Stołtenbierh ŭ Vilni ŭ čaćvier skazaŭ, što adkryćcio štaboŭ źjaŭlajecca simvałam salidarnaści NATA.
«Ściahi NATA padnialisia ŭ šaści krainach sajuźnikaŭ, uvieś aljans robić vialiki krok da jašče bolšaj salidarnaści, ŭzmacnieńniu mocy i lepšaj padrychtavanaści», - na cyrymonii skazaŭ kiraŭnik NATA. Prezident Litvy Dala Hrybaŭskajcie na mierapryjemstvie zajaviła, što Rasija nie moža być partnioram NATA.
«Ahresija Rasii va Ukrainie ŭjaŭlaje saboj niebiaśpieku dla ŭsiaho jeŭrapiejskaha kantynienta. Voś čamu ahresary nie mohuć być partniorami. Mienavita tamu my vyrašyli umacavać svaju biaśpieku», -skazała Hrybaŭskajcie.
U kožnym z šaści štaboŭ buduć pracavać kala 40 aficeraŭ. Hetyja struktury kamandavańnia NATA stvorany kab lepš padrychtavacca da pryniaćcia sił asabliva chutkaha reahavańnia NATA i kaardynacyi mižnarodnych vučeńniaŭ.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary