Byŭ parušany statut arhanizacyi. Mnohija žurnalisty pahražali pakinuć šerahi sajuzu.
Učora Ramzana Kadyrava pryniali ŭ Sajuz žurnalistaŭ Rasiei, a siońnia vyklučyli. Prezydent Čačni byŭ pryniaty ŭ čačenski adździeł Sajuzu «za zasłuhi u spravie stanaŭleńnia svabodnaj presy», adnak sakrataryjat SŽR admianiŭ rašeńnie. Pryčyna — Kadyraŭ nikoli nie zajmaŭsia žurnalistykaj, što parušaje Statut Sajuzu.
U znak pratestu suprać pryniaćcia Kadyrava ŭ SŽR niekatoryja žurnalisty pahražali pakinuć Sajuz. Tak, pra svaje namiery syści z arhanizacyi zajaviŭ ahladalnik «Moskovskoho komsomolca» Alaksandar Minkin. Da jaho dałučyŭsia hałoŭny redaktar «Novoj haziety» Dźmitry Murataŭ, zajaviŭšy, što «kateharyčna admaŭlajecca być u adnym sajuzie ź ludažerami».
U Administracyi prezydenta Čačni zajaŭlajuć, što Kadyraŭ ničoha nia viedaŭ pra namier Sajuzu žurnalistaŭ Rasiei pryniać jaho ŭ svaje šerahi, ale paśviedčańnie čalca ŭziaŭ z udziačnaściu.
Na siońnia Ramzan Kadyraŭ źjaŭlajecca dvojčy akademikam, dvojčy hanarovym prafesaram, Hierojem Ičkieryi dy Hierojem Rasiei. Jamu taksama naležyć najvyšejšyja ŭznaharody Čačnii — orden imia Achmada‑Chadžy Kadyrava i orden «K'oman Turpał»(Hieroj Nacyi). Taksama jon maje orden «Za zasłuhi pierad Ajčynaj» IV stupieni, orden Piatra Vialikaha I stupieni, medali «Za ŭdzieł u kontrterarystyčnaj aperacyi», «Za słužbu na Kaŭkazie», «Za ŭzmacnieńnie kryminalnaj vykanaŭčaj systemy» i šerah inšych. U roznyja hady Ramzanu Kadyravu prysvojenyja zvańni «Abaronca Čačenskaj respubliki», «Zasłužany abaronca pravoŭ čałavieka», «Zasłužany Budaŭnik Čačenskaj Respubliki».
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary