U Centrvybarkam 5 vieraśnia padadzienyja dakumienty na rehistracyju kandydatam u prezidenty apošnich dvuch pretendentaŭ — dziejnaha kiraŭnika dziaržavy Alaksandra Łukašenki i ekanamista Viktara Ciareščanki.
Ciareščanka padaŭ u CVK dakumienty na rehistracyju kandydatam u prezidenty niahledziačy na toje, što bolšaść podpisaŭ, sabranych u padtrymku jaho vyłučeńnia, terytaryjalnymi vybarčymi kamisijami byli pryznanyja niesapraŭdnymi. Jaho inicyjatyŭnaja hrupa zdała prykładna 130 tysiač podpisaŭ, sapraŭdnymi byli pryznanyja mienš za siem tysiač.
«Aficyjna ja pa-raniejšamu źjaŭlajusia pretendentam na status kandydata ŭ prezidenty, — zajaviŭ BiełaPAN Ciareščanka. — Nijakija čutki, interpretacyi i zdahadki nie źjaŭlajucca zakonnaj padstavaj dla źniaćcia mianie z vybarčaj honki. U adpaviednaści z artykułam 68 Vybarčaha kodeksa Respubliki Biełaruś ja padaŭ usie nieabchodnyja dla rehistracyi dakumienty. U Centrvybarkamie mnie pažadali zdaroŭja i zaprasili na pasiadžeńnie, jakoje adbudziecca 10 vieraśnia».
Pavodle słoŭ Ciareščanki, «usie kamientaryi i zajavy, jakija ŭžo źjavilisia z vusnaŭ šmatlikich ekśpiertaŭ, analitykaŭ i čynoŭnikaŭ, u tym liku staršyni CVK Lidzii Jarmošynaj, na siońniašni dzień nie majuć absalutna nijakaj jurydyčnaj siły. Ja praciahvaju ŭdzieł u prezidenckaj kampanii».
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary