Alaksandr Łukašenka 8 vieraśnia daŭ intervju dla dakumientalnaha filma pra Barysa Jelcyna, paviedamlaje pres-słužba kiraŭnika biełaruskaj dziaržavy.
Padrychtoŭkaj filma zajmajecca Prezidencki centr imia B.M.Jelcyna. Pad ehidaj hetaj arhanizacyi stvarajecca muziej pieršaha prezidenta Rasii i archiŭ jaho imia, dzie demanstrujucca knihi, pryśviečanyja Jelcynu, jaho fotazdymki, dakumienty, rečy i inšyja ekspanaty. U muziei buduć vykarystanyja kampjutarnyja technałohii, tut buduć demanstravać uspaminy i raspoviedy pra dziejnaść pieršaha prezidenta Rasii.
Łukašenka padzialiŭsia ŭspaminami asabistaha charaktaru pra svaje sustrečy ź Jelcynym, u pryvatnaści pra pieršuju. Pavodle słoŭ Łukašenki, mocny adbitak na jaho nakłała pazicyja Jelcyna padčas pieršych prezidenckich vybaraŭ u Biełarusi.
«My chacieli nievialikaj kampanijaj, ź jakoj uviazalisia ŭ hetuju baraćbu za prezidenckaje kresła, kab naša kraina raźvivałasia pa-inšamu, čym tak, jak tady adbyłosia: pustyja palicy, jeści nie było čaho ŭ Biełarusi, zabastoŭki, demanstracyi, bojki, — skazaŭ Łukašenka. — Vybary prajšli, pieramoh nie kandydat ad Rasii, a zusim nieviadomy čałaviek».
Jon adznačyŭ, što dahetul pamiataje Jelcyna, jakija stajaŭ napaŭpavarota, naściarožana vyvučajučy, i cišyniu, jakaja pavisła ŭ samym pačatku ich pieršaj sustrečy. «I potym, nie viedaju čamu, raptam ja jamu kažu: Barys Mikałajevič, kali vy dumajecie, što ja pryjechaŭ u čužuju Rasiju, vy pamylajeciesia. Kali vy dumajecie, što stalica Rasii Maskva — heta vaša Maskva, vy taksama pamylajeciesia. Heta i maja Rasija, heta i maja Maskva, tamu što ŭčora jana była stalicaj i majoj dziaržavy. I nie ja vinoj tamu, što my siońnia sustrakajemsia jak prezidenty», — padzialiŭsia Łukašenka. Potym lidaraŭ dźviuch krain źviazvali ciopłyja siabroŭskija adnosiny.
Biełaruski aficyjny lidar adkazaŭ taksama na pytańni nakont dziejnaści Jelcyna ŭ kantekście palityčnych i sacyjalnych padziej 1990-ch hadoŭ, raskazaŭ pra niekatoryja momanty stvareńnia Sajuznaj dziaržavy Biełarusi i Rasii, la vytokaŭ jakoha jon stajaŭ razam ź pieršym rasijskim prezidentam.
Były ministr kultury Rusłan Čarniecki znajšoŭ sabie padpracoŭku9
Kamientary