BHK imia Miaškova znoŭ byŭ macniejšym za čempijona Sierbii «Vajvodziny». 19 vieraśnia ŭ miežach Lihi čempijonaŭ na damašniaj placoŭcy brestaŭčanie raźbili sierbski kłub 34:22, a 21 vieraśnia na damašniaj placoŭcy Pałaca sportu «Viktoryja» kamandy sustrelisia znoŭ, zaraz u miežach SEHA-lihi, i znoŭ upeŭnienuju pieramohu ź likam 31:22 atrymaŭ BHK.
Brestaŭčanie vyjhrali pieršy tajm (12:10) i da finalnaj sireny daviali svaju pieravahu da dzieviaci miačoŭ.
U BHK hały zakidvali: Stojkavič — 7, Šyłovič — 5, Vukič, Nikulenkaŭ, Babičaŭ — pa 4, Razhor, Kułak — pa 2, Rutenka, Kryštopans, Baranaŭ — pa 1.
U SEHA-lizie «miaškoŭcy» zhulali piać matčaŭ: vyjhraŭšy try ź ich i dvojčy ŭstupili. U «Vajvodziny» paśla šaści pajadynkaŭ niama pieramoh: dźvie ničyje i čatyry paražeńni.
A lidzirujuć u turniry charvacki «Zahrab», słavacki «Tatran» i makiedonski «Vardar», jakija nabrali pa dzieviać ačkoŭ, vyjhraŭšy ŭsie try matčy. Dzieviać ačkoŭ stała ŭ BHK, praŭda, paśla piaci zhulanych pajadynkaŭ.
Nastupny matč BHK zhulaje 26 vieraśnia ŭ słavackim Prešavie suprać «Tatrana» ŭ miežach Lihi čempijonaŭ.
Kamientary