Vyniki ekzitpołaŭ na vybarach prezidenta Biełarusi płanujecca abviaścić 11 kastryčnika ŭ 20.30, paviedamiła 5 kastryčnika Centralnaj vybarčaj kamisii Lidzija Jarmošyna ŭ prahramie «Aktualny mikrafon» na Pieršym nacyjanalnym kanale Biełaruskaha radyjo.
Lidzija Jarmošyna adznačyła, što na bazie infarmacyjnaha centra, jaki budzie pracavać u Pałacy Respubliki 11 kastryčnika, kožnyja dźvie hadziny buduć prachodzić pres-kanfierencyi staršyni Centrvybarkama. Pa vynikach dnia hałasavańnia buduć abvieščanyja dva cikavyja vyniki, jakija, pa słovach Lidzii Jarmošynaj, pryblizna pakažuć na vynik hałoŭnaj elektaralnaj padziei.
«U 20.30 abvieścić vyniki ekzit-połaŭ kampanija, jakaja budzie pryznana asnoŭnaj pa ich praviadzieńni ŭ našaj krainie. Adnačasova ja abviešču pra dadzienyja tak zvanych zakrytych učastkaŭ dla hałasavańnia, dzie padlik hałasoŭ zavieršycca jašče dniom. Heta vajskovyja častki i balnicy z sanatoryjami», — raspaviała jana.
Lidzija Jarmošyna taksama źviarnuła ŭvahu, što dadzienyja hetych učastkaŭ i, u asablivaści, balnic, dzie prachodziać lačeńnie ŭsie słai nasielnictva, zaŭsiody prykładna pakazvajuć toj samy adsotak hałasoŭ, jaki daść paśla ich padlik pa ŭsich vybarčych učastkach.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary