Siońnia pry ŭdziele kiraŭnika dziaržavy adkryŭsia ŭčastak u 23,7 km druhoj kalcavoj aŭtadarohi vakoł Minska.
BiełTA
Łukašenku było paviedamlena ab vykanańni jaho daručeńniaŭ pa budaŭnictvie druhoha kalca i pierśpiektyvach transpartnaj infrastruktury Biełarusi, uklučajučy aŭtamabilny i čyhunačny transpart. Ahulnaja praciahłaść novaj kalcavoj aŭtadarohi vakoł Minska składzie kala 159 km, jaje budaŭnictva prachodzić u dva etapy.
Pieršy pavinien być zavieršany da 1 studzienia 2016 hoda. Da hetaha času budzie zdadzieny ŭčastak aŭtadarohi M3 Minsk — Viciebsk da aŭtadarohi M6 / Je28 Minsk — Hrodna — miaža Polščy (Bruzhi). Druhi etap budaŭnictva, jak płanujecca, budzie doŭžycca da 7 listapada 2017 h na ŭčastku ad aŭtamabilnaj darohi M6 / Je28 Minsk — Hrodna — miaža Polščy (Bruzhi) da aŭtamabilnaj darohi M1 / Je30 Brest «Kazłovičy» - Minsk - miaža Rasii (Redźki).
Jak było paviedamlena kiraŭniku dziaržavy, druhuju kalcavuju aŭtadarohu prapanujecca nie zabudoŭvać abjektami prydarožnaj infrastruktury. Alaksandr Łukašenka znajšoŭ hetu prapanovu razumnaj.
«U nas praz kožnyja 40—50 km pa luboj trasie dobryja nasielenyja punkty, rajonnyja centry, — źviarnuŭ uvahu kiraŭnik dziaržavy. — Tam u hetych rajonnych centrach u Biarozie, Kobrynie, Dziaržynsku, tam treba budavać hetyja abjekty, dzie jość ludzi, infrastruktura».
Na dumku kiraŭnika dziaržavy, heta paspryjaje raźvićciu rajonnych centraŭ i inšych pasiołkaŭ, jakija znachodziacca pablizu trasy. Budaŭnictva abjektaŭ prydarožnaj infrastruktury pa-za nasielenymi punktami čaściakom zanadta zatratna z punktu hledžańnia padviadzieńnia da ich elektryčnaści, vodazabieśpiačeńnia i h.d. Dla karotkačasovaha adpačynku vadzicielaŭ dosyć abstalavać nievialikija placoŭki, ličyć Łukašenka.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy2
Kamientary