Alaksandr Łukašenka chacieŭ by, kab ličba hałasoŭ za jaho skłała 80%. Pa jahonych słovach, heta važna, kab z mocnaj pazicyi vystupać na mižnarodnaj arenie.
«Pryjdzie na vybary 40%. Nu ci 50%, u nas mienš za pałovu być nie pavinna. Nu voś 50% pryjdzie i 1 hołas, i za jaho tam prahałasuje dzieści pałova. A za śpinoj budzie ŭsiaho 25% nasielnictva, jakija za jaho prahałasujuć. I jak jon budzie vieści pieramovy potym? Ź inšymi kiraŭnikami dziaržaŭ?» — skazaŭ Alaksandr Łukašenka ŭ časie adkryćcia pieršaha kavałka druhoj MKAD pad Minskam.
«I kali prezident mocny, jak vy zaŭsiody mianie padtrymlivali — 80%! Ni ŭ kaho navat pytańniaŭ nie było. Kali ja pryjazdžaju i viadu pieramovy, jon razumieje: 80% za jaho prahałasavała».
U 2010 hodzie CVK zajaviła, što za Alaksandra Łukašenku prahałasavała 79% vybarcaŭ, u 2006 — 83%. Abodva razy ŭ Minsku adbylisia masavyja pratesty suprać falsifikacyi vybaraŭ z patrabavańniem demakratyčnych pieramien.
Kamientary