Ministr abarony ZŠA Eš Karter zajaviŭ, što Złučanyja Štaty nie płanujuć kaardynavać vajennyja dziejańni z Rasijaj, jakaja, pačynajučy ź minułaha tydnia, nanosić avijaŭdary pa Siryi, pakolki, na jaho dumku, stratehija Maskvy ŭ Siryi maje hłybokija niedachopy.
«Jak ja ŭžo kazaŭ, my ličym, što Rasija abrała niasłušnuju stratehiju — jany praciahvajuć nanosić udary pa celach, jakija nie źviazany z «Isłamskaj dziaržavaj». My ličym, heta surjoznaja, trahičnaja pamyłka», — zajaviŭ Karter na pres-kanfierencyi ŭ Rymie.
Adnak, pavodle jaho słoŭ, vajennyja śpiecyjalisty abiedźviuch krain buduć abmiarkoŭvać bazavyja, techničnyja pytańni pa apieracyi ŭ Siryi, jakija tyčacca, naprykład, biaśpieki piłotaŭ.
U adkaz rasijskaje ministerstva abarony zajaviła, što ZŠA, chutčej za ŭsio, nie ličać «Isłamskuju dziaržavu» terarystyčnaj arhanizacyjaj, raz admaŭlajucca pradastaŭlać Rasii źviestki ab rajonach dysłakacyi bajevikoŭ.
«Našy partniory ź inšych krain, jakija ŭ ID bačać realnaha voraha, što padlahaje biezumoŭnamu źniščeńniu, aktyŭna dapamahajuć nam dadzienymi ab bazach, składach, punktach kiravańnia i łahierach padrychtoŭki terarystaŭ. A tyja, chto maje, pa ŭsioj bačnaści, inšaje mierkavańnie ab hetaj terarystyčnaj arhanizacyi, pastajanna šukajuć pryčyny dla admovy supracoŭničać u baraćbie ź mižnarodnym teraryzmam», — skazaŭ aficyjny pradstaŭnik rasijskaha vajennaha viedamstva.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary