Vyklik u sud z nahody ŭdziełu ŭ mitynhu suprać raźmiaščeńnia ŭ Biełarusi rasijskaj vajennaj bazy atrymaŭ siońnia praz SMS siabra Rady Ruchu «Za Svabodu» Aleś Taŭstyka. U Centralny RUUS Minska dla składańnia pratakołu zaprasili taksama pieršaha namieśnika staršyni Ruchu Jurasia Hubareviča, jaki taksama vystupaŭ na akcyi 4 kastryčnika.
«Na mianie 4 kastryčnika na miescy praviadzieńnia mitynhu suprać rasijskaj vajennaj bazy byŭ składzieny pratakoł», — raspavioŭ sajtu Pyx.by Aleś Taŭstyka.
Adnak, dadaŭ jon, da hetaha času pozvy ŭ sud nie było. «Siońnia ranicaj mnie pazvaniŭ brat i skazaŭ, što atrymaŭ SMS z vyklikam u sud. Kaža: «Ja ž zakonapasłuchmiany, a ty ŭ nas zmahar, tamu, vidać, pabłytali i SMS u sud dasłali nie tamu», — raspavioŭ aktyvist Ruchu «Za Svabodu».
Pa jahonych słovach, pozva patrabuje jaho źjaŭleńnia ŭ sud Centralnaha rajona Minska 9 kastryčnika. «Ja patelefanavaŭ u sud, i tam skazali, što bratu ŭžo pazvanili i paprasili prabačeńnia. A mnie paćvierdzili pozvu za aktyŭny ŭdzieł ŭ akcyi 4 kastryčnika», — adznačyŭ Aleś Taŭstyka.
U svaju čarhu, pratakoł na Jurasia Hubareviča 4 kastryčnika nie składaŭsia. Ale siońnia pieršamu namieśniku staršyni Ruchu «Za Svabodu» patelefanavaŭ śledčy Centralnaha RUUS stalicy i zaprasiŭ da siabie dla składańnia pratakołu.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary